Israelek gutxienez 98 pertsona hil ditu Gazan, Armadak iragarritako "etenaldi taktikoan"
Bitartean, Frantziak eta Saudi Arabiak antolatutako bi estatuen konponbiderako nazioarteko biltzarra hasi da Nazio Batuen Batzar Nagusian, New Yorken. AEBko Gobernuaren ustez, konferentzia "ez da emankorra eta ez da egokia".
Laguntza kamioi bat palestinarrez lepo, Zikimen, Gazako Zerrendaren iparraldean. Argazkia: EFE
Israelgo Armadak Palestinako zenbait tokitan "etenaldi taktikoa" iragarri zuenetik gutxienez 98 pertsona hil ditu Gazako Zerrendako hainbat lekutan egindako erasoetan, tartean 25 pertsona laguntza guneetatik gertu.
2023ko urriaren 7an Israelek erasoaldia abiatu zuenetik 59.921 pertsona hil ditu Gazan, Gazako Osasun Ministerioaren arabera.
Bitartean, bi estatuen konponbiderako nazioarteko konferentzia, Frantziak eta Saudi Arabiak antolatuta, hasi da Nazio Batuen Batzar Nagusian, New Yorken.
AEBko Gobernuaren ustez, biltzarra "ez da emankorra eta ez da egokia". Tammy Bruce Estatu Departamentuko bozeramaileak ohar batean esan duenez, "gatazka amaitzeko ahalegin diplomatikoen erdian egiten den publizitate ekitaldia da".
Brucen hitzetan, "bakea sustatzetik urrun, Hamas adoretu eta sarituko du, eta bakea lortzeko benetako ahaleginak ahulduko ditu".
Saudi Arabiak azpimarratu du foro horren helburua bide-orri bat proposatzea dela, "estatu palestinar burujabe bat ezartzeko, eta okupazioari irtenbide justu eta iraunkor baten bidez bukaera emateko".
Antonio Guterres Nazio Batuen Erakundeko idazkari nagusiak goi-bileran adierazi duenez, bi estaturen irtenbidea ahultzen duten "aldebakarreko ekintzak" "onartezinak" dira.
"Izan gaitezen argiak: Zisjordania okupatuaren anexio progresiboa legez kanpokoa da. Bertan behera utzi behar da. Gazaren suntsipen orokorra onartezina da", esan du, eta gaineratu du ez direla "gertakari isolatuak", baizik eta "Ekialde Hurbileko bakearen oinarriak desegiten ari den errealitate sistemiko baten parte".
Jose Manuel Albares Espainiako Atzerri ministroak Palestina onartzeko eta Nazio Batuetan kide gisa sartzeko "egutegi argi" baten beharra defendatu du, eta 12 eta 15 hilabete bitarteko epea nahikoa izango litzatekeela adierazi du.
Ayman Safadi Jordaniako Atzerri ministroak salatu duenez, Palestinako Estatua sortzea ezin da negoziatu, Israel "ez dagoelako prest mahaian eseri eta bi estatuen irtenbidea negoziatzeko".
Badr Abdelaty Egiptoko Atzerri ministroak dei egin du bi estatuen konponbidea "salbatzeko" eta Palestinako Estatu independente bat sortzeko Israelen "betoa saihesteko", nazioartean artean adostasun zabala baitu.
Guztira, Palestina onartzen duten 149 estatu daude, NBEko kideen hiru laurden.
Zure interesekoa izan daiteke
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.
Teknofaxismoa ala utopia teknologikoa: Zer da Palantir manifestu futurista?
Silicon Valleyn egoitza duen Palantir Technologies enpresak 22 puntutan laburbildu du Peter Thiel eta Alex Karp tekno-oligarken demokraziari buruzko ikuspegia. Derrigorrezko zerbitzu militarra aldarrikatzen dute, baita adimen artifizialean oinarritutako disuasio militarra ere. Pentsalari batzuek teknofaxismoarekin lotu dute.
Muskek, munduko gizonik aberatsenak, "inozoa" izan zela dio, OpenAI finantzatzeagatik
Muskek bataila legal bati ekin zion 2024an ChatGPTren ardatz den enpresaren, Sam Altman eta Greg Brockman fundatzaileen, eta horien bazkide nagusi Microsoften aurka. Kontratua ez betetzea eta bidegabe aberastea leporatzen die. Bigarren egunez ari da deklaratzen Oaklandeko gorte federal batean (Kalifornia).