NATOk ariketa militarrak iragarri ditu ekialdean, aire-espazioa urratu ondoren
Ekintza militar berri hauek "datozen egunetan hasiko dira" eta Danimarka, Frantzia, Erresuma Batua, Alemania eta "beste herrialde batzuk" inplikatuko dituzte.
Alemaniako armadako kide batzuk, ariketa militarrak egiten. Argazkia: Europa Press
Mark Rutte NATOko idazkari nagusiak ariketa militar berriak iragarri ditu ostiral honetan, Ekialdeko Zaindaria izenarekin, Aliantzaren ekialdeko defentsa indartzeko asmoz, drone errusiarrek Poloniako aire-eremua urratu ostean.
"NATOk ariketak egingo ditu Ekialdeko Zaindaria izenarekin, gure ekialdean lankidetza militarra are gehiago indartzeko", azpimarratu du Ruttek Bruselan, Aliantzaren egoitzan egindako agerraldian.
Jarduera militar berri hauek "datozen egunetan hasiko dira" eta Danimarka, Frantzia, Erresuma Batua, Alemania eta "beste herrialde batzuk" inplikatuko dituzte.
"Gaitasun militar tradizionalagoez gain, dronen erabilerarekin lotutako erronka partikularrei aurre egiteko diseinatutako elementuak ere bilduko ditu ahalegin honek", azaldu du NATOko idazkari nagusiak.
Malgutasun, arintasun eta indar militarreko ariketa hauek disuasio- eta defentsa-gaitasun eraginkorra emango dute, "are zehatzagoa". Gainera, aireko eta lurreko militarrak hartuko dituzte, eta nazioen arteko informazio-trukea areagotuko dute, besteak beste.
Joan den asteazkeneko gertakariari buruz, Ruttek esan du ez zela ekintza isolatu bat izan: "Errusiak gure ekialdeko hegalean airean duen arduragabekeria gero eta ohikoagoa da. Gure aireko espazioa urratzen ikusi ditugu droneak Errumanian, Estonian, Letonian eta Lituanian. Nahita edo nahi gabe, arriskutsua eta onartezina da ".
Hala, Ruttek azaldu duenez, aliatuak gertatutakoa aztertzen ari dira oraindik, baina nahita edo nahi gabe, "Errusiak NATOren aire espazioa urratu" zuela azpimarratu du.
"Beraz, NATOn ordezkatutako herrialdeok argi utzi behar dugu gure lurraldea defendatzeko dugun erabakitasuna eta gaitasuna", nabarmendu du Ruttek, eta AEBren errantzunarekin "oso pozik" dagoela adierazi du.
Nazioarteari buruzko albiste gehiago
Ekialde Hurbilean bi estatu, Israel eta Palestina, sortzearen alde egin du NBEren Batzar Nagusiak
Bozketa ez da loteslea, baina estatu palestinarra sortzeak duen babesa neurtzeko balio du. AEBri gero eta gehiago kostatzen zaio bere kontrako jarrera babestuko duten herrialdeak aurkitzea.
Milaka palestinar ihesi ari dira Gazako hiritik: "Goazen tokiak ez dira seguruak"
Nazio Batuen Erakundeak 73.500 desplazamendu baino gehiago zenbatu ditu Gazako Zerrendaren iparraldetik hegoaldera, Al Rashid kostaldeko errepidean barrena, abuztuaren 14tik, eta 25.000 inguru irailaren 7tik.
22 urteko gizon bat atxilotu dute Charlie Kirken ustezko hiltzaile gisa
Atxilotua Tyler Robinson 22 urteko Utahko bizilaguna da. Antza denez, haren aitak eta ingurukoek eskatu zioten bere burua entregatzeko. Errudun joz gero, heriotza zigorra jasotzea espero du Trumpek.
Errusiak eta Bielorrusiak ariketa militarrak hasi dituzte, Poloniarekin eta NATOrekin tentsioak gora egin ostean
Kremlinak ukatu egin du Zapad-2025 maniobra militarrak hirugarren herrialdeei zuzenduta egotea. Dena dela, Ukrainako gerra hasi zenetik lehen aldiz egin dituzte horrelako ariketa militarrak.
FBIk Charlie Kirki tiro egin zion susmagarriaren irudiak erakutsi ditu, eta haren bila jarraitzen du
Herritarren lankidetzaren garrantzia nabarmentzeaz gain, 100.000 dolarreko saria eskaini dute susmagarria harrapatzeko balio duen informazioaren truke.
Bolsonaro zigortu dute Lularen aurkako estatu-kolpe saiakeragatik
Erakunde kriminal armatu bateko kide izateagatik eta Lula da Silvaren aurka hauteskundeak galdu ostean estatu-kolpe bat bideratzeagatik zigortu dute Brasilgo presidente ohia.
Israelen aurkako "mehatxu genozida" egitea leporatu dio Netanyahuk Sanchezi
"Antza, Espainiako Inkisizioa, juduak Espainiatik kanporatzea eta Holokaustoan juduak sistematikoki hiltzea ez dira nahikoa Sanchezentzat", esan du lehen ministro israeldarrak.
Charlie Kirk aktibista hiltzeko erabili duten arma aurkitu dute
Kirk AEBko presidente Donald Trumpen kolaboratzaile estua zen. Utaheko unibertsitate batean, jendez beteta zegoen ekitaldi batean, hil dute tiroz. Poliziak hiltzailearen irudiak eta beste hainbat arrasto aurkitu ditu.
Europako Parlamentuak Israelekin akordioak moztea onartu du, baina ez du Gazako egoera genozidiotzat hartu
Estrasburgoko egoitzan bildutako osoko bilkurak Gazako “hondamendi humanitarioa” eta Hamas taldearen “krimen basatiak” gaitzetsi ditu. Horrez gainera, indarkeria erabiltzen duten kolonoei eta Hamasi zigorrak jartzearen alde egin du eta “berehalako su-etena” eskatu du.