Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Israelgo Armadak Gaza hiriaren aurkako lurreko erasoaldiarekin jarraitzen du, bigarren egunez jarraian, milaka gazatar hegoaldera mugitzera behartuz eta 100 hildako baino gehiago utziz, behin-behineko lehen balantzearen arabera —65.000 pertsona baino gehiago hil dituzte 2023ko urriaren 7ko Hamasen erasoen ondotik Israelek Gazako Zerrendan erasoaldia hasi zuenetik—.
Asteazken honetan, Israelgo Armadak iragarri du "aldi baterako ibilbidea" ireki duela Saladino kaletik, eta 48 orduz egongo dela erabilgarri, Gaza hiriko eta auzoetako bizilagunak ebakuatzeko.
Adrai Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du.
Orain ihes egin dutenei azken hilabetean hiria utzi dutenak gehitu behar zaizkie, 350.000 pertsona inguru, Israelgo Armadaren arabera. Hala ere, zenbait iturriren arabera, 500.000 gazatar gelditzen dira oraindik Gaza hirian.
Antonio Guterres Nazio Batuen Erakundeko idazkari nagusiak astearte honetan adierazi duenez, Israel "amaieraraino" iristeko prest dago, eta ez du Gazako Zerrendan su-etena negoziatzeko inolako interesik.
New Yorken egindako prentsaurreko batean gaineratu duenez, Nazio Batuek (NBE) ez dute nazioarteko indar bat bultzatzeko gaitasunik, horrelako ekimenak Israelek eta Ameriketako Estatu Batuek baztertuko lituzketelako. Ildo horretan, onartu du NBEk ez dutela Gazako Zerrendan zibilak babesteko tresna eraginkorrik eta gogoratu NBEn 400 langile hil direla bertan.
Gaza hirian bakarrik 150 eraso baino gehiago
Israelgo Armadak gutxienez 150 helbururi (azpiegiturak eta pertsonak barne) eraso egin die azken bi egunetan, Gaza hirian soilik, lurreko soldaduen maniobrak babesteko, Indar Armatuek zabaldutako ohar baten arabera.
Azken gauean 50 posizio bonbardatu dituzte Gazako Zerrendan, gehienak hiriburuak, The Times of Israel egunkariak jakinarazi duenez.
Telefono eta interneterako konexioa eten dute
Gaza hirian telefono eta interneterako konexiorik gabe gelditu dira asteazken honetan, azken erasoek telekomunikazio azpiegiturak kaltetu ondoren.
Wafa albiste agentziaren arabera, komunikazio etenak Gazako Zerrendako iparraldeko eskualdeari ere eragiten dio (gehienbat basamortua eta Israelgo Armadaren kontrolpean dagoena).
"Hainbat hilabete" iraungo dituen ofentsiba
Effie Defrrin Israelgo Armadako eledunak astearte honetan ziurtatu duenez, Gaza hiri osoa bereganatzeko "hainbat hilabete" beharko dituzte. "Hainbat hilabete beharko ditugu hiria suntsitu eta geureganatzeko", esan du.
Erantsi duenez, "gerra helburu guztiak bete" arte ez dute geratuko ofentsiba.
"Garbiketa etnikoa"
"Israelgo armadak Gaza hiria lurrez hartzeko operazioa beste urrats bat da Gazaren aurkako genozidio sistematikoan eta garbiketa etnikoan". Hala esan du Hamas erakundeak, eguerdian zabaldutako ohar batean. Ohartarazi duenez, gaur abiatutako operazioak Gazako Zerrendako giza-hondamendia areagotu baino ez du egingo.
Zure interesekoa izan daiteke
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.