"El Mencho" narkotrafikatzaile eta Jalisco Nueva Generacion kartelaren burua hil dute
Jaliscon (mendebaldea) eta herrialdeko beste bost estatutan herritarrak kalera ez ateratzeko alerta zabaldu dute agintariek, hilketa horrek eragindako istiluak direla eta.
Mexikoko Armadak Nemesio Oseguera Cervantes hil du gaur, igandea, "El Mencho" ezizena zuen Jalisco Nueva Generacion kartelaren burua. Narkotrafikatzaile bilatuenen zerrendan zegoen, bai Mexikon eta baita Ameriketako Estatu Batuetan (AEB) ere. Agintariek ez dute argitu pertsona gehiago atxilotu edo hil dituzten polizia-operazio horretan.
Zehazki, polizia-operazioa Tapalpa udalerrian egin dute, Guadalajaratik (Jaliscoko hiriburua) 130 kilometrora hegoaldera, eta liskar armatuak eragin ditu horrek eskualdean. Hori dela eta, segurtasun neurriak indartu dituzte inguruan, egoera kontrolpean hartzeko asmoz.
Mexikoko eta AEBko agintariek bilatzen zuten gaizkileetako bat zen Oseguera Cervantes. 56 urte zituen, eta 15 miloi dolarreko ordainsaria eskaintzen zuten hura atxilotzea erraztu zezakeen informazioaren truke.
Mexikon "beldurrezko aroa" ezartzea eta fentaniloarekin "bizitza ugari" suntsitzea leporatzen zion AEBk "El Mencho" narkotrafikatzaileari. Halaber, Jalisco Nueva Generacion kartela talde terroristen zerrendan sartu zuen iaz Washingtonek.
Igande honetako polizia-operazioari erantzunez, Jaliscon eta herrialdeko beste estatu batzuetan errepideak blokeatu dituzte eta ibilgailuak eta negozioak erre dituzte. Hala, kiskalitako ibilgailu ugari ikusi dira Jaliscon, Michoacanen, Coliman, Nayariten (mendebaldean), Aguascalientesen (erdialdean) eta Tamaulipasen (iparraldean), baita Guanajuaton (erdialdean) ere.
Testuinguru horretan, Jaliscon (mendebaldea) eta herrialdeko beste bost estatutan herritarrak kalera ez ateratzeko alerta ezarri du AEBk Mexikon duen enbaxadak, azken orduotako istiluak direla eta.
Era berean, Puerto Vallartako eta Mexikoko Jalisco estatuko beste gune batzuetako kaleetara ez irtetea eskatu dute Kanadako agintariek, droga-trafikatzaileen eta Mexikoko segurtasun indarren artean istiluak baitaude eta errepideak blokeatu baitituzte.
Zure interesekoa izan daiteke
Azken hamarkadetako gatazka krudel eta bortitzenetakoa bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon da sarritan. Hildakoen kopuru zehatza jakiterik ere ez dago: 150.000 izan daitezkeela aipatzen da, nahiz eta askoz gehiago direla uste izan. Gosetea zabalduta dago eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatu asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.