Ireki dituzte hauteslekuak Frantziako Estatuan, eskuin-muturraren eta "koalizio handia"ren arteko lehian
Frantziako hauteskundeen bigarren itzulia Marine Le Penen Bilgune Nazionala eskuin-muturreko alderdiaren eta horri aurrea hartzeko gainerako alderdiek osatu nahi duten "koalizio handia"ren arteko lehia izango da, eta jada ireki dituzte hauteslekuak.
Igande honetako bozketaren aurretik 200 bat hautagaik (ezkerrekoak eta Macronen ingurukoak gehienak) botoa sakabanatzea galarazteko eta eskuin-muturraren gehiengo osoa zailtzeko asmoz hautagaitzari uko egin ostean, bi aldeen lehiak argia dirudi.
Hain zuzen ere, hautagaiek uko egin ostean zabaldutako lehenengo inkestaren arabera, Bilgune Nazionala (RN) gehiengo osotik urrun geratuko litzateke, eta horrek indarra eman die gainerako alderdiei.
Harris Interactivek zenbait komunikabiderentzat egindako inkestak 190-220 diputatu ematen dizkio RNri, Asanblea Nazionalean gehiengo osoa (289) lortzetik urrun.
Fronte Popular Berria (NFP) ezkertiarrak 159-183 diputatu lortuko lituzke, macrondarrek 110-136, eta errepublikano kontserbadoreek 30 eta 50 artean. Gainerako diputatuak beste alderdi batzuen eta hautagai independenteen esku geratuko lirateke.
Emmanuel Macron presidentearen zentro-eskuinean lanak dituzte hautesleei Frantzia Intsumisoarekin (LFI) ez dutela gobernatuko ziurtatzen. Duela gutxi arte eskuin-muturraren pare jartzen zituen Macronek Melenchonen alderdiko hautagaiak.
Macronek berak Ministroen Kontseiluan hitzeman omen du ez duela LFIrekin gobernatuko.
"Koalizio handia"ren zehaztasun eza
Batzuek "koalizio handia" eta beste batzuek "behin-behineko gobernu" edo "fronte errepublikano" deitzen diotena RN boterera ez iristeko proiektua da, RN ez beste alderdi nagusi guztiek osatuko luketena, baina bigarren itzulian alderdi bakoitzak lortzen duen indarra ikusi arte, badirudi ez dutela xehetasunetan sartu nahi.
Fronte Popular Berriak uste du lehen ministroa alderdi horretakoa izan beharko litzatekeela, NFP izango delako diputatu gehien lortuko dituena, RNren atzetik, baina Macronen jarraitzaileek egungo presidentearen pisua baliatu nahi dute Presidentetza eurenganatzeko.
Bitartean, RNk (garaipen partziala ziurtatua du) gehiengo osoa lortzeko aukeran sinesten du oraindik. Le Penek esan du hori lortzeko "konfiantza handia" duela, "frantziarrek aldaketa nahi dutela erakutsi dutelako".
Bi hautagaien artean
Asteartean hautagai askok uko egin ostean, bigarren itzulian 405 diputatu bi hautagairen artean erabakiko dira (RN eta beste alderdi batekoa izango da gehienetan).
Beste 89 eserleku hiru hautagairen artean erabakiko dira, eta 2 diputatu, lauren artean.
EAJ eta EH Bai
Iparraldeari dagokionez, EH Baik Fronte Popular Berriaren aldeko botoa eskatu du, eta EAJk, eskuin-muturraren aurka egiteko. Hala, VI. barrutian adibidez, jeltzaleek EH Baiko hautagaiaren aldeko botoa emango dute.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.