Tenperatura maximoak 40 ºC-ra iritsi dira barnealdeko zenbait tokitan, igande arratsalde honetan
Hain zuzen ere, 40,5 ºC-ra iritsi dira Amurrion eta 40,3 ºC-ra Zallan eta Noainen, besteak beste. Kostaldean, aldiz, nabarmen baxuagoak izan dira.
Ume bat, urarekin jolasean. Artxiboko argazkia: Europa Press
Tenperatura altuak 40 ºC-ra iritsi dira igande arratsaldean lurralde barnealdeko zenbait tokitan. Kostaldean, aldiz, nabarmen baxuagoak izan dira tenperaturak: 26 ºC Bermeon, 27 ºC Zumaian, 29 ºC Biarritzen eta 30 ºC Getxon, adibidez.
Zehazki, igande arratsaldean, Laudion 39,8 ºC-ra iritsi dira, Barrundian 39,4 ºC-ra, Gasteizen 39,3 ºC-ra eta Kanpezun 38,9 ºC-ra.
Bizkaian, Arrigorriagako Abusu neurketa-estazioak 38,1 ºC neurtu ditu. Tenperaturarik altuenak Zallan (40,3 ºC), Orozkon (39 ºC) eta Sodupen (39 ºC) izan dira.
Araban, maximoak Amurrion eman dira (40,5 ºC), eta 40 ºC-tik gorakoak ere izan dira beste toki batzuetan, hala nola Arkautin edo Eturan.
Gipuzkoan, ordea, tenperaturak ez dira 39 ºC-tik gorakoak izan: Bergaran 38,6 ºC, Arrasaten 38 ºC eta Beasainen 36 ºC izan dira.
Igande honetan, alerta laranja egongo da indarrean arratsaldeko azken ordura arte, trantsizio-eremuan eta Ebroko ardatzean tenperatura oso altuak espero direlako; kostaldean, berriz, abisu horia ezarri dute.
Nafarroan ere maximoak 40 ºC-tik gorakoak izan dira, eta bero zakarra izan dute Noainen (40,3 ºC), Lizarran (39,5 ºC) eta Behortegin (39,5 ºC).
Ipar Euskal Herrian maximoak 38 ºC ingurukoak izan dira, bereziki Iruri, Aiziritze eta Urepel bezalako tokietan.
Eguraldiari buruzko albiste gehiago
Beroak ez du etenik emango Euskal Herrian: tenperatura itogarriek jarraituko dute datozen egunetan
Gauek ere ez dute lasaitasunik ekarriko. Espero da Euskal Herri osoan gau tropikalak izatea, 20 ºC-tik jaitsiko ez diren tenperaturekin, eta, kasu batzuetan, goizaldearen zati handi batean atalasetik gora egon daitezke.
Alerta laranja Araban, Nafarroan eta Ipar Euskal Herrian, eta abisu horia Bizkaian eta Gipuzkoan, bero zakarra dela eta
13:00etatik 20:00etara egongo da indarrean EAEn, eta 21:00ak arte Nafarroan. 39 ºC-ko maximoak espero dira Nafarroan, 38koak Ebroko ibarrean eta 39koak Ipar Euskal Herrian.
Larunbat haizetsuak igande itogarriari egingo dio leku
Euskalmetek abisu horia ezarri du ostiral honetan bertan hasita, muturreko tenperatura oso altuak tarteko. Larunbatean, tenperatura leunagoak izango dira, ipar-mendebaldeko haizeari esker.
Albiste izango da: beroa, polemika Bakioko jaietan eta 'Karmele' pelikularen trailerra
Gaurkoan albiste izango direnen laburpena, bi hitzetan.
Bero zakarra Hego Euskal Herrian: 36 ºC-tik gora Laudion, eta 37 ºC, Nafarroan
Abisu horia indarrean da barnealdean, muturreko tenperaturak direla eta. Bihar, asteartea, tenperaturek freskotzera joko dute, baina asteazkenean termometroek berriro egingo dute gora.
Inoiz erregistratutako tximistarik luzeenak 829 kilometroko distantzia bete du, markak hautsi dituen oinaztargia
Fenomeno meteorologikoa 2017ko urrian gertatu zen, eta une batean Texas eta Kansas arteko eremuak argiztatu zituen. Bestalde, iraupen luzeeneko tximista, 17 segundo pasatxoko distira bat izan zen Argentinako iparraldean eta Uruguain, 2020ko ekainean.
Hodeiak, euri txikia eta tenperatura freskoak, uztaila agurtzeko
Astea asteburuaren ildo beretik abiatuko da: zeru grisa, euri txikia iparraldean eta giro freskoagoa euskal lurralde osoan.
Hodeiak eta euri txikia, asteburuko protagonistak
Tenperatura maximoak 20 eta 25 ºC artekoak izango dira.
Giro freskoagoa eta hodeitsua espero dugu astebururako
Tenperaturak behera egingo du asteburuan Euskadin, batez ere Kantauri isurialdean: euria eta zaparradak espero dira zenbait unetan.