3,5 metrorainoko olatuak eta ostarteak arratsalderako
Larunbatean, tenperatura maximoek gora egingo dute eta udako giroa nagusituko da. Igandean, fronte bat iritsiko da eta euria egingo du. Gainera, olatuengatik ezarrita dagoen abisu horia larunbat eguerdira arte mantenduko da.
Olatuak Donostian. Artxiboko argazkia: EFE
Gaur arratsaldetik aurrera, ostarteak zabalduko dira eta tenperatura maximoek gora egingo dute. Larunbatean, uda giroa nagusituko da eta eguzkitsu egongo da ia denean, baina euria egin dezake goizeko lehen orduetan. Igandean, fronte bat iritsiko da eta euria egingo du.
Gaur, ostirala, hodeiak agertuko dira eta euri pixka bat egingo du, bereziki kostaldetik hurbil, baina argitzera egingo du arratsaldean. Eguerdian, haizeak mendebal eta ipar-mendebaldera egingo du, eta haizea aldatzearekin batera zaparrada batzuk botako ditu, bereziki kostaldean eta egunaren erdiko orduetan. Arratsaldeak aurrera egin ahala, hodeitza saretuago egongo da eta ostarteak nagusituko dira. Gainera, tenperatura maximoek gora egingo dute.
Larunbatean, giro eguzkitsua izango da eta tenperaturak gora egingo du berriro. Kostaldean, ostarteak agertuko dira; egunaren lehenengo partean euria egin dezake oraindik, batez ere ipar-ekialdean eta kostaldean. Arratsaldean, urdinguneak askoz zabalagoak izango dira. Hegoaldean, giroa eguzkitsua izango da, erabat garbi egongo ez den arren. Tenperatura maximoak igo egingo dira berriro eta uda garaikoak izango dira leku gehienetan.
Igandean, fronte hotz bat sartuko da eta euria egingo du, bereziki kostaldean. Egunaren hasieran, hodeiak ugaritu egingo dira eta zaparradak botako ditu goizetik aurrera, batez ere ipar partean. Arratsaldean, ekaitzak ere jo dezake. Halaber, tenperatura maximoak hiruzpalau gradu jaitsiko dira.
Abisu horia olatuengatik larunbatera arte
Eusko Jaurlaritzako Segurtasun Sailak larunbat eguerdira arte luzatu du itsasaldeko arriskuagatik Gipuzkoa eta Bizkaiko kostaldean ezarritako abisu horia.
Euskalmeten iragarpenaren arabera, gaur, olatuen altuera 2,5 metro ingurukoa izango da goizean, eta 3-3,5 metro ingurukoa, berriz, arratsaldean.
Nabigaziorako abisu horia larunbat eguerdian amaituko da. 2,5-3 metroko olatuak espero dira goizean, baina 2 metrotik beherakoak izango dira arratsaldean.
Zure interesekoa izan daiteke
Bero itogarria berriro itzuliko da Euskal Herrira
Asteazkenean tenperaturak ez du aldaketarik izango, baina ostegunean gorakada nabarmena izango du, eta termometroak 30 ºC-tik gora kokatuko ditu Bilbon, Gasteizen eta Iruñean.
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.
Beroak estutzen jarraituko du, baina ezegonkortasun handiarekin
Hurrengo egunetan, tenperatura altuak izango dira nagusi, baina ezegonkortasun handia izango da. Hala, gaur arratsaldean, esaterako, ekaitza bota dezake; Nafarroan, Aemetek abisu horia ezarri du euriteengatik.
Ur-goraldiak iragarri dituzte Nafarroako ubide txikietan eta sakanetan
Euri zaparrada eta ekaitz gogorren ondorioz hainbat probintziatan, tartean Nafarroan, ezarritako abisuak direla eta, Ebroko Konfederazio Hidrografikoak albiste meteorologikoei adi egoteko gomendatu die herritarrei.
Igandean bero egingo du berriro ere Euskal Herrian
Eguna tenperatura baxuekin hasiko da, Gasteizen, esaterako, 14 ºC izango baitira, baina 34 ºC-ra helduko dira termometroak Iruñean, eta 32 ºC-ra, berriz, Bilbon. Arratsaldean, aldaketa etor daiteke, eta zaparrada trumoitsuak eta txingorra egin dezake zenbait puntutan.
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.