Larunbatera arte iraungo duen bero boladak 35 gradutik gorako maximoak utziko ditu
Datozen egunei begira, beroa egingo du. Hala ere, igandean udazken giroa itzuliko da eta tenperaturak nabarmen jaitsiko dira.
Beroa bueltan da, eta larunbatera arte iraungo duen bero boladak 35 gradutik gorako tenperatura maximoak utziko ditu Euskal Herriko hainbat tokitan. Dena den, igandean udazken giroa itzuliko da, tenperaturak nabarmen jaitsiko dira eta euria egingo du.
Euskalmeten eguraldi iragarpenaren arabera, gaurkoa egun eguzkitsu eta beroa izango da. Zerua nahiko garbi egongo da, goizean goizeko behe-hodei batzuk gorabehera. Egunaren lehenengo partean hegoaldeko haizea ibiliko da eta arratsaldean ipar-ekialdera egingo du, bolada gogor batzuekin Araban. Tenperatura maximoak nabarmen igoko dira barnealdean eta baliteke 30 gradutik gorakoak izatea.
Ostegunean beroak jarraipena izango du. Zeruak oro har oskarbi egongo dira eta hegoaldeko haizea ibiliko. Arratsaldean, kostaldeko zenbait puntutan brisa sartuko du. Tenperatura altuak izango dira, 35 gradutik gorako balioak neurtu daitezke.
Ostiralean tenperaturak jaisten hasiko dira, baina oraindik 30 graduko maximoak gaindituko dira lurraldeko hainbat tokitan.
Eguraldi aldaketa larunbatean iritsiko da. Tenperatura maximoak arratsaldeko lehen orduan neurtuko dira, arratsaldean bero-hodeiak garatuko dira eta eguna amaitzerako ekaitz giroa nagusituko da.
Igandean tenperaturak nabarmen jaitsiko dira, eta maximoak 20-22 gradukoak izango dira. Gainera, euria egingo du.
Eguraldiari buruzko albiste gehiago
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.
Giro nahasi eta freskoarekin abiatuko dugu astea, baina asteazkenean udako giroa itzuliko da
Gaur eta bihar zeru hodeitsuak eta zaparradak izango ditugu, 22º-ko tenperatura maximoekin. Asteazkenean udako giroan murgilduko gara, bete-betean murgildu ere. Dena dela, ez du luze joko, izan ere, ostegunean bertan izango ditugu bueltan euria eta tenperatura freskoak.
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.
Fronte hotz batek giroa freskatu eta bustiko du
Zaparrada mardulak bota ditzake zenbait lekutan. Astelehenean eguraldia aldakorra izango da, eta asteartean atertzera joko du.