Tenperatura aldatuko da arratsaldean: hotza eta euria dator
Abisu horia ezarri dute 18:00etatik aurrera prezipitazio handiengatik, ekaitza eta txingorra izan daitezkeelako, baita haize-bolada bortitzak ere, Euskadiko zenbait zonaldetan eta Nafarroan.
Pertsona bat, Bilbon, aterkipean. Artxiboko argazkia: EFE
Udako eguraldiak amaiera izango du larunbat honetan bertan, eta arratsaldean aldaketa handia espero da, prezipitazio handiak eta tenperatura jaitsiera nabarmenak ekarriko dituena lurraldeko zenbait tokitan. Ildo horretatik, abisu horia ezarriko dute 18:00etatik aurrera prezipitazio handiengatik, Euskadiko eta Nafarroako zenbait zonaldetan.
Goizean, giro eguzkitsua nagusituko da. Hego-haizea ibiliko da eta kostaldean giroa sargoria izango da egunaren hasieran. Goiza aurrera joan ahala, ordea, ipar-mendebaldera aldatuko da haizea kostaldean, eta eguerditik aurrera Kantauri isurialdeko bailaretan ere bai. Arratsaldean Mediterraneo isurialdean ere aldatuko da haizea iparraldera. Haize-aldaketaren ondorioz, tenperatura maximoak 30 ºC azpitik geratuko dira leku gehienetan. Haizea aldatu ondoren hodeiak ugarituz joango dira eta arratsalde-gau partean zaparradak ugarituko dira; zenbait lekutan zaparrada mardulak eta trumoitsuak bota ditzake, kazkabarrarekin batera. Testuinguru horretan, tenperatura asko jaitsiko da eta eguneko minimoak azken orduetan neurtuko dira.
Igandean, eguraldiak udazkeneko itxurarekin jarraituko du. Tenperatura maximoak asko jaitsiko dira eta 15 eta 20 ºC artean geratuko dira; minimoak ere aurreko egunekoak baino hiruzpalau gradu baxuagoak izango dira. Zerua estalita egongo da eta zaparradak espero dira, Kantauri isurialdean sarriago, ekaitzarekin batera. Barnealdean ipar-haizea ibiliko da, kostaldean mendebaldekoa edo ipar-mendebaldekoa, bolada oso gogor batzuekin egunaren bigarren partean, bereziki gauean.
Datorren asteari dagokionez, eguraldiak berdintsu jarraituko du lehen egunetan, eta, ondorioz, euritakoa eskura izatea komeni izango da. Astelehenean, euri gutxiago egingo du hegoaldean. Iparraldean zerua hodeitsu egongo da eta zaparradak egingo ditu, batez ere kostaldean. Hegoaldean, aldiz, ostarteak zabalagoak izango dira eta hego-ekialdean giroa eguzkitsua izango da; ateri eutsiko dio leku gehienetan edo euri gutxi egingo du.
Mendebaldeko haizea ibiliko da, kostaldean indartsu goizean, eta ipar-mendebaldekoa nagusituko da arratsaldean. Tenperaturan ez da aldaketa handirik izango, baina minimoak baxuagoak izango dira.
Eguraldiari buruzko albiste gehiago
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.