Gogotik astindu du Ingrid ekaitzak euskal kostaldea: 145 km/h-ko ufadak neurtu dira Matxitxakon (Bermeo)
Gauerdian amaituko da haizegatik alerta laranja eta abisu horia izango da astelehenean. Itsasaldeko arriskuagatik ezarritako alerta laranja, berriz, asteleheneko 06:00ak arte egongo da indarrean.
Ingrid depresioaren eragina nabaria izan da egun guztian euskal kostaldean. Mendebaldeko haizea harro ibili da, eta Matxitxakon (Bermeo, Bizkaia), esaterako, 145 km/h-ko ufadak neurtu dituzte. Gainera, itsaso zakarra dago, eta, 10 metrora arteko olatuak erregistratu dira.
Eusko Jaurlaritzako Segurtasun Sailak alerta laranja ezarri du Bizkaiko eta Gipuzkoako haizeguneetan eguerditik eguna amaitu arte.
Euskalmet euskal meteorologia agentziak bildutako datuen arabera, eguneko haize-bolada bortitzena Matxitxakon erregistratu dute: 145 km/h-koa. Lurralde berean, Galean, 112 km/h-ko bat neurtu dute. Oizen (Munitibar) eta Jaizkibelen (Lezo, Gipuzkoa) gozoagoak neurtu dituzte; 108 eta 106 km/h-koak, hurrenez hurren.
Itsasaldean ere alerta laranja dago ezarrita asteleheneko 06:00 arte, olatuen tamaina handiagatik. Kostako errepidea itxita dago hori dela eta.
Alerta horiez gain, elurragatik ere abisua dago barnealdean (12:00-24:00) elur-kota 900-1.000 metrora jaitsiko baita.
Bestalde, Aemet Espainiako Meteorologia Agentziak abisupean jarri ditu Nafarroako Pirinioak, elurra dela eta. Abisua 11:00etan sartu da indarrean, eta asteleheneko 06:00ak arte egongo da aktibo.
Meteofrance Frantziako agentziak, bere aldetik, Pirinio Atlantikoak departamendua (Ipar Euskal Herria bertan dago) abisupean jarri du muturreko hainbat fenomeno espero dituztelako: haizea, ekaitzak, elurra eta elur-jausiak izateko arriskua. Astelehenean ere egongo dira indarrean abisu horiek, elurrarena salbu.
Arratsalde gorabeheratsua
Arratsalde gorabeheratsua izan ari da Euskal Herrian, haizearen eraginez. Amurrion, esaterako, Mendiko Eskolako eraikin nagusiko teilatua bota du haizeak.
Aramaion, Kruzeta gaina itxita egon da hainbat orduz, zuhaitzak errepidera erortzearen ondorioz.
Barakaldon ere haize-bolada bortitz batek publizitate kartel bat bota du Megapark merkataritza gunean.
Zuhaitz batzuk ere erretiratu behar izan dituzten bertan, erori eta gero.
Donostian, parke eta itsas pasealekuak itxita
Alerta laranja dela eta, Donostiako Udalak parkeak eta Polloeko hilerria ixtea erabaki du. Sarrera debekatuta dago honako toki hauetan: Aieteko parkean (Kultur Etxea izan ezik), Cristina Enean, Miramarren, Urgullen, Serafin Barojan, Oroimenaren Parkean eta Polloen.
Gainera, zarratuta egongo dira Pasealeku Berria (ibilgailu zein oinezkoentzat), Salamanca pasealekuko oinezkoentzako pasabidea, Jesus Maria de Leizaola pasealekurako (Zurriolako kai-muturra) eta Haizearen orrazia eskulturarako sarbideak, eta Urgulleko kostaldea. Bestalde, Santa Klara uharterako garraio-zerbitzua egun osoan egongo da etenda.
Halaber, Zarauzko Udalak bertan behera utzi du Sagardo Eguna, eta datorren astean iragarriko dute noiz ospatuko duten.
Krisi-mahaia aktibatu dute Getxon
Horren aurrean, egoeraren jarraipen berezia egiteko, krisi-mahaia bildu da gaur Getxon, eta zuhaitzak dauden eremuetatik ez ibiltzeko gomendatu dute, Zugatzarte pasealekutik eta Maximo Agirre kaletik bereziki, zuhaitz handiak daudelako. Aurreikuspenen arabera, Ereagako igogailuaren ohiko funtzionamenduan ere eragina izan lezake haizeak, eta zerbitzuan etenaldiak egon litezke, segurtasun arrazoiengatik.
Getxoko Udaltzaingoak arbolak dituzten pasealekuak itxi ditu. Argazkia: EFE
Zure interesekoa izan daiteke
Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Aldakor eta nahasi dator astea
Astelehenetik asteazkenera euria egingo du tarteka. Ostegun eta ostiralean, berriz, eguzkia eta tenperatura goxoak izango dira nagusi. Asteburuan okertzera egingo du berriro, negu giroa itzuliko baita.
Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Euria bueltan da eta tenperaturek behera egingo dute
Giro nahasi eta ezegonkorra gutxienez asteburura arte mantenduko da.
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.
Astelehenetik asteazkenera, eguzkitsu eta epel joango da astea, eta ostegunetik aurrera, euritsu eta fresko
Udaberri giroa nagusituko da martxoko lehen egunetan, eta termometroa 16-20 ºC-ra helduko da. Aste bukaera hurbildu ahala, ezegonkortzera egingo du aroak, eta hala jarraituko du egun batzuetan, joeraren arabera.
Tenperaturak behera eta euria larunbatean, eguzkia eta hego haizea igandean
Larunbatean euria egingo du, baina egunak aurrera egin ahala atertzera egingo du. Igandeari begira, giro eguzkitsu eta epela nagusituko da.
Euria eta tenperatura freskoagoak izango dira asteburu hasieran
Ostiral eguerdian haizeak ipar-mendebaldetik joko du, hodeiak sartuko dira eta tenperaturak behera egingo du. Larunbat goibela izango da, eta iluntze partean atertzetzera egingo du. Igandean aroa eguzkitsua izango da eta tenperatura igoko da.
Arnaitz Fernandez: "Hotz errekorrak gero eta urriagoak dira, eta bero errekorrak, aldiz, gero eta ohikoagoak eta gogorragoak"
EITBko meteorologoaren arabera, "egoera planetako joera orokorraren ildokoa da". "Egia da Euskal Herrian sarritan izaten ditugula bat-bateko eguraldi aldaketak; baina gero eta beroaldi latz gehiago dago, muturreko hotz boladekin alderatuta", gehitu du Arnaitz Fernandezek.
Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.