Guggenheim Museoak hiru hezitzaile eta orientatzaile kontratatuko ditu
Bilboko Guggenheim Museoak iragarri duenez, 2016-2017 kurtsoan bere gain hartuko du hezitzaileen eta orientzaileen zerbitzua, hiru langile kontratatuta.
Egun, zerbitzu hori Manpower Group azpikontratatutako enpresak eskaintzen du. Enpresa horretako 18 behargin ari dira lanean Guggenheim Museoan eta hainbat mobilizazio egin dituzte abuztuan, tartean zazpi greba, euren lan-baldintzen alde.
Langileek ohar baten bidez jakinarazi dute ez dutela onartzen Guggenheim Museoaren alternatiba, “lanpostuak suntsitzea ekarriko duelako”.
“Museoak ez du inolako bermerik eskaintzen, subrogazioa aitortzen ez duelako eta hori da, hain zuzen ere, gatazka honen gakoa; beraz, mobilizazioekin jarraituko dugu eta ez dugu baztertzen borroka horretan urrats bat gehiago ematea”, azpimarratu dute. Astearte honetan zortzigarren lanuztea egingo dute.
Manpower enpresak Guggenheim Museoarekin 2014an sinatu zuen kontratua datorren irailaren 30ean bukatuko da eta, ondorioz, beste konkurtso publiko bat egin beharko litzateke.
Alabaina, Guggenheim Museoak gaur jakinarazi du ez duela esleipen berririk egingo eta irailaren 30etik bere gain hartuko duela hezitzaileen zerbitzua, hiru langile kontratatuta.
Albiste gehiago kultura
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Springsteenen zaleak gogotsu daude "The Boss" handiak Reale Arena dantzan jarri aurreko orduetan
Bruce Springsteenek bi kontzertu eskainiko ditu Donostian (larunbatean eta asteartean) "The Land of Hope and Dreams" biraren barruan. 2016an izan zen azkenekoz estatubatuarra Euskal Herrian. Springsteenek 17 musikari eta abeslari izango ditu alboan, E Street Bandeko kide historikoak barne.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
Euskal Museoak 2026ko bigarren hiruhilekoan irekiko ditu ateak berriro
"Enbor arina", euskal kulturaren ikurra, Miserikordia eraikinean jarri dute Bilboko museoaren berrikuntzaren parte gisa. 2026an ateak berriro irekitzea espero dute.
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.
Gerediaga Elkarteak 60. urteurrena ospatuko du
Ekitaldia egin du larunbat honetan Abadiñoko Gerediaga auzoaren zelaietan, 1965an elkartea abiatu zuten leku berean, alegia. Gainera, Gotzon Gomez elkartearen presidente berriak Nerea Mujikaren lekukoa hartu du, 22 urteren ondotik.