Ikasleek robotika tailerrarekin eman diote hasiera Durangoko Azokari
Durangoko Azokaren 51. edizioa martxan da jada. Bost egunez, kulturaren plazara joaten diren lagun guztiek 200 ekitaldi baino gehiago izango dituzte gozatzeko. Ostiral honetan, abenduak 2, Ikasleen Eguna da. Arrazoi horregatik, jarduera ugari prestatu dituzte Euskal Herri osoko ikastetxeetatik bertaratzen diren ikasleei zuzenduta.
Kabi@n, programazioaren garrantziaren berri eman diete ikasleei, era dibertigarri eta dinamiko batean. Abadiñoko ikasleak ‘Robotikaren mundura sarrera’ tailerrean parte hartzen duten lehenak izan dira, Skuramobile-ren eskutik, eta Jaione eta Maitenaren hitzaldia entzun ostean, mBot delako robota taldeka programatzeko aukera izan dute.
Tailerrean sentsore desberdinak kontrolatzen eta robotak programatzen ikasi dute 12 eta 14 urte bitarteko ikasleek. Robotak gero eta toki gehiagotan aurkitu ditzakegu, besteak beste, industrian, medikuntzan edota hezkuntzan. Maitenak azaldu duenez, mota askotakoak izan daitezke, baina guztiek dituzte lau atal nagusi: sistema mekanikoa, sistema elektronikoa, kontrol-sistema eta sistema sentsoriala.
Sistema mekanikoak mugimenduak lortzeko behar diren elementuak aztertzen ditu. Sistema elektrikoak, aldiz, energia gorde eta beste elementu batzuk elikatzen dituzten osagaiak aztertzen ditu. Bestalde, kontrol-sistemak inguruko datuak jasotzen ditu, sentsore desberdinen bitartez: tenperatura-sentsorea, argi-sentsore, soinu-sentsorea, linea-sentsorea edota ultrasoinu-sentsorea.
Maitenak azaldu duenez, robotek ez dute inteligentziarik, baina pertsonen aginduak betetzeko gai dira. Ildo horretatik, eskoletan Scratch programa erabiltzen dute robotak programatzeko. Horrek aukera ugari ematen dizkie ikasleei: pertsonaia bat hartu eta mugitu, jolasak sortu, ipuinak egin edo robota programatu.
Ikasleen esanetan, mBot robota programatzeko erabiltzen den Scratch programa "erraza, sinplea eta intuitiboa" da. Eskarne Zientzia eta Teknologiako arduraduna da Durangoko Berritzegunean. Bere esanetan, ikasleentzat zein irakasleentzat ere "oso interesgarria" da hezkuntzan teknologia berriak erabiltzea. Ildo horretatik, "gauza ezberdinak egiteko aukera" ematen diela eta "ikasleak oso motibatuta" daudela azaldu du.
mBot robota desmuntatuta jasotzen dute ikasleek, eta piezak jartzeaz gain, robota programatzen ikasten dute. Jaioneren esanetan, oso garrantzitsua da programazioa, eta, hezkuntzan, bereziki, ezagutza lantzen dute. Gainera, irudimena bultzatu eta pentsaera logikoa lortzen laguntzen du robotikak.
Gauzak horrela, hezkuntza mundura zuzenduta dagoen mBot robotari esker, sistema eragile desberdinen kudeaketa, sentsoreen monitorizazioa eta programazio basikoa ikasteko aukera dute ikasleek.
TB" />
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.