Lehen Eusko Jaurlaritzaren omenezko jarduerak, Durangoko Azokan
Igande honetan, abenduak 4, ‘Lehen Eusko Jaurlaritza Bilbon’ liburua aurkeztu dute Durangoko Azokan. Eusko Jaurlaritza eratu zenetik 80 urte igaro ostean argitaratu dute Bilbogileak-Memoria de Bilbao bildumaren lehen alea.
Leyre Arrieta, Eider Landaberea, Miren Barandiaran, Iñaki Goioaga, Asier Madarieta eta Jose Antonio Rodriguez Ranz dira argitalpen horren egileak. Liburua idaztea pentsatu zutenean, gaiaren inguruan orain arte idatzitako guztia aztertu zuten. Hala, dokumentazio berria bilatu eta artxiboak arakatu zituzten. Orduan, argitaratu gabe datu garrantzitsu ugari zeudela ohartu ziren.
"Pertsona horiek ez ziren 1936an jaio, liburu honetan nondik datozen eta egindako ekarpena erakusteko asmoa dugu, modu ulergarri batean", azaldu dute.
Ildo horretatik, hamar sailburuen eta lehendakariaren biografia laburren bilduma idaztea erabaki zuten. Hamaikek osatu zuten Eusko Jaurlaritza, baina bederatzi hilabete besterik ez zuen iraun. Liburua horien omenez idatzi dutela azpimarratu dute eta Euskadiren batasunaren alde egindako lana nabarmendu dute.
Egileek azaldu dutenez, "testuinguru zibil eta kritiko batean sortu zen Eusko Jaurlaritza. Ez zen erraza izan indarrean egotea". Ildo horretatik, "munduari begira duintasunaren eredu" dela azpimarratu dute, herritar guztien "eskubideak eta duintasuna" bermatzen ahalegindu zirelako.
Eusko Jaurlaritza osatu zuten hamaika gizonetatik, hamar erbestera ihes egin behar izan zuten (bestea hil egin zuten). Horietako seik ezin izan zutenez beraien ametsa bete, liburu honekin "egindakoa eskertu" nahi dietela esan dute. Beste alde batetik, argitalpenaren izenburua aukeratzeko orduan ez zutela desadostasunik ezta zalantzarik izan gaineratu dute.
80. urteurrenarekin lotutako erakusketa
Jose Antonio Agirre lehen lehendakariaren izendapenaren 80. urteurrena gogora ekartzeko "Gure izaeraren ispilu" erakusketa bisitatu daiteke Durangoko Azokaren eraikin nagusiaren aurreko plazan. Mauro Saravia argazki txiletarrak iragana eta orainaldia uztartzen ditu argazki berean, "izan ginena eta honaino ekarri gaituena gogoratzeko".
Erakusketa Bilbo eta inguruan ateratako hamalau argazkik osatzen dute. Horrez gain, abenduaren 6an, Agirre lehendakariaren omenez egindako erraldoi batek Durangoko kaleak zeharkatuko ditu, 10:00etatik 12:00ak arte.
Abenduaren 13an, 80. urteurrena gogora ekartzeko azken ekitaldi ofiziala egingo da Gasteizen.
Zure interesekoa izan daiteke
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.