"Zu non, han DA!" zikloak hainbat herritara eramango du Durangoko Azoka
COVID-19aren pandemiaren aurreko neurrien eraginez euskal herritarrak Durangora masiboki joan ezingo diren honetan, Durangoko Azoka joango da euskal herritarrengana.
"Zu non, han DA!" egitasmoaren bidez, Durangoko Azoka Landakotik irten eta Euskal Herriko zortzi kontzertu areto eta liburu denda pila batera iritsiko da, Nerea Mujika Gerediaga elkarteko presidenteak eta Bingen Zupiria Eusko Jaurlaritzako Kultura eta Hizkuntza Politikarako sailburuak gaur Donostian kazetariei azaldu dietenez.
Egitasmo berri honek bi ardatz nagusi izango ditu: Plaza eta Denda. Lehenengoak zuzeneko musika eskainiko du abenduaren 5etik 8ra Hego Euskal Herriko zortzi herritan. Ipar Euskal Herrian ez da aukerarik egon zuzenekorik antolatzeko, osasun-egoerak ezarritako arauen eraginez.
Hau izango da egitaraua:
Amurrio (Burubio)
Izatefaltsua + Rodeo - Abenduak 6. 18:00
Sara Zozaya - Abenduak 7. 19:00
Atarrabia (Totem)
Liher + Sorkari - Abenduak 5. 18:00
Kaleko Urdangak + Perlata - Abenduak 6. 18:00
Azpeitia (Soreasu)
Gatibu - Abenduak 5, 19:00.
*Aforoa beteko balitz, bigarren pase bat antolatuko da 16:00etan.
Azpeitia (Sanagustin)
Sua - Abenduak 8, 19:00
Bermeo (Kafe Antzokia)
Gatom + J Martina - Abenduak 6. 18:00
Joseba Irazoki + Inoren Ero Ni - Abenduak 7. 18:00.
Bilbo (Euskalduna)
Ene Kantak - Abenduak 7 eta 8. 12:00.
Zea Mays - Abenduak 7. 19:00.
Nøgen - Abenduak 8. 19:00
Donostia (Dabadaba)
Silicies Grizzlies + Kyxo - Abenduak 5. 18:30
Dena + Habi - Abenduak 6. 18:30
Donostia (Doka)
Raitx + Pelax - Abenduak 7. 18:00.
Mihise + Kaskezur. Abenduak 8. 18:00.
Gasteiz (Jimmy Jazz)
Brigade Loco + Barne Guda - Abenduak 6. 18:00
Amorante + Moxal - Abenduak 8. 18:00
Ondarroa (Beikozini)
Dupla + Nikotina - Abenduak 6. 18:00
Patxuko Nice - Abenduak 8. 13:00
Ezpalak - Abenduak 8. 19:00.
Sarrerak bihartik (azaroak 21) aurrera eskuratu ahal izango dira www.durangokoazoka.eus webgunean, 11:00etatik aurrera, 8 eta 15 euro arteko prezioan.
Liburu dendak
Bestalde, abenduaren 9tik aurrera, "Zu non, han DA!" ekimenak Euskal Herriko hainbat liburu dendatara (izena emateko epea zabalik dute saltokiek) eramango ditu Azokako produktuak.
Horrez gain, noski, Azokak Durangoko egitarauari eutsiko dio, abenduaren 4tik 8ra arte. Landako gunean eta Plateruenan hamaika jarduera egongo dira: kontzertuak, solasaldiak, ikuskizunak, umeentzako jarduerak, proiekzioak... Azaroaren 26an aurkeztuko da Durangoko egitarau osoa eta aurtengo gainerako nobedadeak.
Zure interesekoa izan daiteke
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Calvin Harris, FKA twigs eta Dani Fernandez, Bilbao BBK Live jaialdiaren lehen eguneko izar distiratsuenak
Alcalá Norte taldearen kontzertu ezustekoak eta Calvin Harris, FKA twigs eta Dani Fernandezen emanaldiek Bizkaiko hiriburuan hiru eguneko musikari hasiera eman diote. Milariek nazioarteko izenekin, tokiko talentuarekin eta Kobetamendiko publikoa harritu duen ezusteko emanaldi batekin gozatu dute.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.