Pirritx eta Porrotx indemnizatu beharko ditu Udalak, Auzitegiak arrazoia eman baitie
Nafarroako Administrazio Auzitegiak baliogabetu egin du 2019ko azaroaren 29an Pirritx, Porrotx eta Marimotots pailazoek Baluarten eman behar zuten ikuskizuna bertan behera uzteko Iruñeko Udaleko Kultura zinegotziak (Navarra Suma buru) hartutako erabakia.
Auzitegi horrek neurri baten onartu egin du, beraz, 2019ko azaroaren 27an Kultura zinegotzigoaren aurka ezarritako salaketa.
"Bizi dantza" ikuskizunerako kontratua EH Bilduk hitzartu zuen, Nafarroako hiriburuko Udala zuzentzen zuenean.
Ebazpenean, baina, atzera bota dute kontratua betearazteko egindako eskaera, nahiz eta kalte-ordaina ordaintzera behartu duten Udala. Hain zuzen ere, kontratuaren % 6 ordaindu beharko diote Pirritx, Porrotx eta Marimototsi emanaldia bertan behera uzteagatik.
Hala eta guztiz ere, Administrazioarekiko Auzien epaitegian salaketa jartzeko aukera du oraindik Udalak.
Ebazpena emateko orduan, Administrazio Auzitegiak arrazoitu du ikuskizuna ez zela ideia politiko edo ideologiko jakin batzuen aldekoa. Izan ere, Enrique Maya alkateak adierazi zuen Pirritx eta Porrotx ezker abertzalearekin lotuta daudela, eta ez duela bere agintepean horien ikuskizunik babestuko.
Azkenik, auzitegiak azaldu du ezin dutela Udala kontratua goitik behera betetzera behartu, hau da, ez duela zertan ikuskizuna berriz programatu behar.
Garcia Barberenaren dimisioa eskatu du EH Bilduk
Joseba Asiron EH Bilduk Iruñeko Udalean duen bozeramaileak prentsaurrekoa eman du, Maider Belokirekin batera, Nafarroako Administrazio Auzitegiaren ebazpenaz jarduteko, eta hauxe da esan duena: "Lehenik eta behin Kultur zinegotziaren berehalako dimisioa eskatu nahi dugu, herritarrei gezurra esatearren. Bestalde, haurrei egindako kaltea ordaintzea exijitzen dugu, eta azkenik Mayak publikoki barkamena eskatu behar digula uste dugu, EH Bilduren eta, batez ere, Maider Belokiren kontra egindako adierazpenengatik.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.