Gau Zuriak Bilboko kaleak argiztatuko ditu 28 proposamen artistikorekin
Bilboko Gau Zuriak hiriko kaleak artez eta argiz beteko ditu datorren ekainaren 17an eta 18an. Bertan, 28 esku-hartze artistiko izango dira, eta haien bidez Bilboko paisaia guztiz aldatuko da, Bizkaiko hiriburuko plazak, kaleak eta espazio enblematikoak apainduko baitira. Aurten Bilbok bere 722. urteurrena ospatuko du Gau Zuriarekin.
Asteazken honetan aurkeztu dute egitaraua prentsaurreko batean Gonzalo Olabarria Udaleko Kultura eta Gobernantza zinegotziak eta Begoña Escribano Gau Zuriaren zuzendariak. Ekainaren 15ean izango da hasiera ekitaldia Juan Mari Aburtu alkatea buru dela, bandera-igoerarekin, eta, igandean, 19an, Diego Lopez de Harori egingo dioten lore-eskaintzarekin amaituko da aurtengo edizioa.
"Bilboren 722. urteurrena gogo, ilusio eta emozio handiz ospatzen dugu, gure uriaz berriro gozatzeko, aisialdiko eta kulturako parte-hartze izaerako, doako eta askotariko
proposamenekin", azaldu du Olabarriak.
Aurtengo edizioan antolatzaileek ordutegia aldatzea eta Gau Zuria aurreratzea erabaki dute. Horrela, instalazioak 19:30etik 00:30era bisitatu ahal izango dira. "Ordutegi aldaketa honekin, ekitaldi berezi hau, familia osoak gozatzeko moduko hitzordua bihurtzea nahi dugu", azaldu du Udaleko Kultura eta Gobernantza zinegotziak.
Gau Zuriaren 28 proposamenen artean, nabarmentzekoak dira "Bovedas Celestes", Miguel Chevalierrek diseinatutako instalazio digital sortzailea, Enkarnazio
elizaren gangen gainean proiektatuko dena, edo Areatzako pasealekuan egongo den Bilboko Tomo Estudio kolektiboaren animazioa, hiriaren bilakaera demografikoa erakutsiko duena sortu zenetik.
Arriaga Plazak, berriz, hainbat tamainatako 69 eguzki-lore hartuko ditu, espazio hori argiz eta kolorez betetzeko. Abandoibarrako lorategiak, bestalde, ongi etorria emango dio "Marigorringoak"-i. Bertan marigorringoen kolonia bat egongo da, txikienen gozamenerako.
Casilda Iturrizar parkea da programazio honetako kokaleku nagusietako bat, eta bertan hainbat instalazio izango dira, tartean, "Luz de Salon" deritzona, egongelako lanpara handi bat (8 metroko altuera eta 8 metroko diametroa), hain zuzen ere, parkea argitu eta apainduko duena.
Gainera, Arte Ederren Museoaren sarrerako gunean, "Blossom" ikusi ahal izango da, zuhaitzen adarretatik irteten diren hainbat tamainatako 120 lorek baino gehiagok osatutako instalazioa. "Olorama"n (Gas plazan), berriz, zentzumen guztiak martxan jarriko ditu bertaratzen duenak lehen aldiz Gau Zurian.
Instalazio horiekin batera, bi proposamen ibiltari egongo dira: "Kolorezko Jendea" eta "Trance entre Calles" dantza urbanoa.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.