Eliassonen lana euskal ilustratzaile batzuen ikuspuntutik islatu dute Guggenheimen
Euskal Herriko zortzi ilustratzailek "Olafur Eliasson: en la vida real" erakusketa osatzen duten obrei begirada berezi bat eskaini diote. Erakusketa, egun, Bilboko Guggenheim Museoan dago ikusgai, Eskandinaviako artistari eskainitako erakusketak irauten duen bitartean haren webgunean ikusgai jarriko diren beste hainbeste ilustrazioekin batera.
Guggenheimek Euskal Irudigileen Elkartearekin batera bultzatutako ekimenean, Myriam Cameros, Higinia Garay, Yolanda Mosquera, Concha Pasamar, Ane Pikaza, Janire Orduna, Leyre Urbeltz eta Alberto Muriel marrazkilariek parte hartu dute.
Erakusketa gaur aurkeztu du Juan Ignacio Vidarte erakusketa zentroko zuzendariak, eta azaldu du Olafur Eliassonen (Kopenhage, 1967) erakusketa "bereziki interaktiboa eta parte hartzailea" dela, "bost zentzumenekin goza daitekeena, ez soilik ikusmenarekin, eta naturarekin lotura handia duena".
Artista gonbidatuek egindako ilustrazioak hainbat teknika eta estilo librerekin egin dira, eta aukeratutako obraren alderdi batzuk dira inspirazio handiena eman dietenak: obraren argia, kolorea, mugimendua, geometria, Olafurrek islatzen duen kezka, edo lurraren berotzearen ondorioz glaziarren desagerpena, esaterako.
Ekimenaren komisarioak, Lucia Aguirrek, bere aldetik, adierazi du ilustrazioek "artea nola esperimentatzen dugun" erakusten dutela, eta, beraz, mundua, gure begiradaren eta ikuspegi pertsonalaren mende dagoela islatzen dute, beraz, modu egokia dira bisitaria Olafurren obran askatasunez eta sormenez murgiltzera animatzeko".
Zure interesekoa izan daiteke
“Gorputz geometrikoak” erakusketak Nora Aurrekoetxea eta Larry Bell gonbidatu ditu, Chillida intepreta dezaten
Chillida Lekuko erakusketa berria Estela Solana komisarioak gidatu du, eta ibilbide bat proposatzen du Eduardo Chillidaren obraren aroetan zehar, lehen lan figuratiboetan hasi eta hiru dimentsioko espazioak sortzen dituzten arkitektura kutsuko azken lanetaraino. Chillidaren obrak Nora Aurrekoetxearen eta Larry Bellen pieza banarekin lagunduta ageri dira. Ekainaren 25etik urriaren 26ra egongo da bisitagai.
Guggenheimek Philippe Parrenoren eta Carmen Herreraren atzera begirako erakusketak egingo ditu 2027an
Guggenheim Bilbao Museoa Fundazioaren Patronatuak bilera egin du bart museoan, eta datorren urteko programazio artistikoa aletu dute bertan. 30. urteurrena dela eta, bilduma propioaren aurkezpen berri bat ere lantzen ari dira.
Publikoak asteazkenean ikusi ahal izango du Arte Ederren Bilboko Museoko atari berria
Museo zaharberritua urriaren 5ean ireki aurretik, publikoak asteazkenean, ekainak 24 (10:00-20:00), ikusi ahalko du, salbuespen gisa eta hitzordua hartu beharrik gabe, eraikinaren atari berria. Francisco de Durriok Arriagaren omenez egin zuen eskultura berriz jarri dute, eta ikusgai daude, halaber, Topalekua, Eduardo Chillidarena, eta Bilbao, Richard Serrarena.
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.
Zabalik dago Euskal Museoa
Bilboko museo zaharberrituaren ateak gaur goizean ireki dituzte, hainbat urteko lanen eta 20.397.401,53 euroko inbertsioaren ostean. Hamar egunez, sarrera doakoa izango dute herritarrek.
Xabier Paya Bilbao Bizkaia Museoak erakundearen zuzendari nagusi izendatu dute
Sorkunde Aiarza Bilbao Bizkaia Museoak erakundearen zuzendari kudeatzailearekin batera jardungo da Paya Euskal Museoa Bilbao, Bilboko Berreginen Museoa eta San Frantziskoko komentuko aztarnategia kudeatzen dituen erakundea gidatzen.
Bilboko Euskal Museo berritua ekainaren 10ean irekiko dute eta sarrera doakoa izango da hamar egunez
Zaharberritze arkitektoniko zein museografiko sakon baten ondoren, ekainaren 21era arte herritarrak doan sartu ahalko dira Euskal Museora, Bilbon. 50.000 piezako bilduma erakusteko espazioan 20.397.401,53 euroko inbertsioa egin dute Bizkaiko Foru Aldundiak eta Bilboko Udalak, eta proiektuak 5.000 m2 baino gehiagoko erakustokia irabazi du.
Jasper Johnsen 134 lan bildu ditu Guggenheimek
Estatubatuar artistak zazpi hamarkadako ibilbidean eginiko lanaren atzer begirako erakusketa antolatu du Bilboko museoak. Urriaren 12ra arte, "Night driver"bildumak pinturak, eskulturak, marrazkiak, grabatuak, liburu bat eta eszenografia bat eskainiko dizkio bisitariari.
Bilboko Euskal Museoaren inaugurazioa
Jarraitu zuzenean Bilboko Euskal Museo berrituaren inaugurazio ekitaldia.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.