Guggenheimek Alice Neelen atzera begirako erakusketa izango du irailetik aurrera
Guggenheim Bilbao Museoak "Alice Neel: pertsonak lehenbizi" erakusketa hartuko du irailaren 17tik 2022ko otsailaren 6ra. Erakusketak Neelen ibilbide artistiko osoa jasotzen du, museotik ohar batean azaldu dutenez, "ia ehun pintura, marrazki eta akuarelaren bitartez, erretratu zirraragarrienak barne, gaur egun beren zorroztasun psikologikoagatik goraipatuak".
Erakusketaren ibilbidea hasierako obra batzuetatik hasten da: Neska frantsesa eta Carlos Enríquez (1926) erretratua, 1927an Habanan ikusgai jarria.
1920ko hamarkadan Kuban bizi ondoren, 1927an New Yorkera itzuli zen Neel, behin betiko. Han, dibertsitatea eta bertako jendeen borroka hasi zen jasotzen iruditan, baita hiriko parkeak eta eraikinak ere, eta inguratzen zuen bizitzaren testigantza ematen hasi zen horrela.
"Artea historia da"
Artea historia da Neelentzat, museotik azaldu dutenez. Hala, New Yorkeko bizitza politikoa eta bertako gertaerak jasotzeko balio dio bere obrak, eta horren erakusgarri da Naziek juduak hiltzen dituzte ( Nazis Murder Jews ,1933) obra, non 1936ko Maiatzaren Bateko desfilea irudikatzen duen, manifestari ugari erakarri zituena erregimen naziaren antisemitismo ankerraz ohartaraztearren.
1938tik 1962ra, Alice Neel eta bere familia Spanish Harlemen bizi izan ziren, eta bere auzokideen arima jaso zuen artistak bere pintzelekin; etnia askotako populazio txiroa bizi zen han, ordura arte kasu bakan batzuetan bakarrik hartu izan zena gai gisa artearen arloan; horren adibide da Georgie Arce 2. zk. (Georgie Arce No. 2 , 1955).
Erakusketak hiriko paisaien atal bat ere biltzen du. Horretan, artistak New Yorkeko eraikinen eta parkeen eguneroko edertasunaren testigantza ematen du. Hala, Central Park-en (1959) natura eta inguruko eraikinak uztartzen dira.
Biluztasuna eta sexualitatea Alice Neelen obrako gai nagusietako bi izan ziren, giza esperientziaren alderdiak diren aldetik. Irauli egin zuen ordura arteko ikuspegia, eta emakumearen rola aldatu zuen, objektu erotiko soil izateari muzin eginez.
Erakusketak Neelen dozenaka erretratu bilduko ditu, adituen ustez zorroztasun psikologiko handia erakusten dutenak. Bere modeloen artean asko dira ezezagunak, baina bere familiako kideak, artistak, aktibistak, eskubide zibilen liderrak eta bere bizitzako une desberdinetan ezagutu zituen pertsona ospetsuak ere pintatu zituen.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.