Miren Arzalluz izango da Bilboko Guggenheim Museoko zuzendari berria
Bilboko Guggenheim Museoaren Fundazioko Patronatuak Miren Arzalluz (Bilbo, 1978) izendatu du museoaren zuzendari. Arzalluz Artearen Historian lizentziaduna da, jantzien Historian espezializatuta, eta azken sei urteetan modarekin lotuta mundu osoan dagoen museorik garrantzitsuena zuzendu du: Parisko Palais Galliera.
Maiatzean, Juan Ignacio Vidartek kargua utziko duela iragarri zuen. 32 urte egin ditu karguan, eta Guggenheim Museoak orain arte izan duen zuzendari bakarra izan da. Arzalluzek apirilaren 1ean hartuko du kargua.
Horri horrela, patronatuak nazioarteko museo inportanteenetan ohikoa ez den profil bat aukeratu du zuzendari kargurako: modaren munduan aditu bat. Audientzia anitzago batengana iristea eta museoaren ateak diziplina artistiko berrietara zabaltzea ekar lezake horrek.
Hain zuzen ere, Cristobal Balenciaga euskal jostunaren lanaren inguruko aditu handiena da Arzalluz. Sortzaile gipuzkoarrari buruz egin zuen doktore-tesia, eta Getariako Balenciaga museoan erakusketa arduraduna izan zen zazpi urtez. Etxepare Institutuko zuzendari ere izan da.
Guggenheimetik azaldu dutenez, Arzalluz aukeratzeko arrazoien artean daude nazioarteko kultur-erakundeetan duen esperientzia eta horri esker lortu duen aintzatespena, museoaren proiektuarekin epe luzerako konpromisoa hartzeko borondatea, museoa herrialdea eraldatzeko estrategian giltzarria izateko helburuarekin bat etortzea, eta museoak lan egiten duen testuinguru kulturalekiko sentsibilitatea erakustea, tokiko balioak eta balio globalak integratzeko gaitasuna baliatuta.
Era berean, azpimarratu dute artearen historiaren, ikerketaren eta museoen arloetan duen "ezagutza sakona", eta, horrez gain, "eskarmentu handia" duela erakundeen kudeaketan eta nazioarteko harremanetan.
Apirilaren 1ean hartuko du kargua
Miren Arzalluz Zuzendari Nagusi Hautetsi izendatuko dute 2025eko martxoaren 1ean eta izendapenak egun horretatik aurrera izango du eragina. Lau astez, apirilaren 1era arte, murgiltze-prozesu bat egingo du Bilboko eta New Yorkeko Guggenheim museoetan, Juan Ignacio Vidarte Museoko Zuzendari Nagusiarekin batera. Apirilaren 1ean hartuko du kargua, erantzukizun osoz.
Juan Ignacio Vidartek Bilboko Guggenheim Museoa martxan jarri zuen taldea gidatu zuen, eta orain arte erakundeko zuzendari bakarra izan da. Karguan 32 urte eman eta gero esango du agur, baina zuzendari emeritu izango da aurrerantzean.
Hautaketa-prozesua
Azken hilabeteetan zuzendari berria izendatzeko hautaketa-prozesua egin da.
Denbora horretan, jatorri geografiko askotarikotako 79 profesional hartu ziren kontuan ( % 32 nazioartekoak, % 23 Euskal Autonomia Erkidegokoak eta % 45 Estatuko gainerako herrialdeetakoak).
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.