Jazzaren nazioarteko izenak, Gasteiz eta Donostiara bueltan
Iaz pandemiaren ondorioz bertan behera gelditu eta eskaintza murritzarekin aurrera egin eta gero, aurten biziberrituta ageri dira Gasteizko (uztailak 14-18) eta Donostiako (uztailak 21-25) jazz jaialdiak.
Gasteizko Jazzaldiak 44. edizioa berreskuratuko du, iaz bertan behera gelditu eta gero. Kontzertu zikloa uztailaren 14tik 18ra egingo dute, eta agertoki berria izango da: Iradier Arenak hartuko ditu goizeko eta iluntzeko kontzertuak. Gainera, Principal antzokia izango da arratsaldeko ohiko kontzertuen agertokia.
Uztailaren 14an, Itamar Borochov israeldar tronpetistak joko du, Atlantic Bridge Alberto Conde galiziar pianista, Kin García eta Miguel Cabana ohiko laguntzaileak eta Jorge Pardoren saxoa batzen dituen taldea, oraingoan gonbidatu berezi batekin: Rosario Giuliani italiar saxo tenorra.
Biharamunean, uztailaren 15ean, ostegunarekin, Al Toque Pablo Martín Caminero gasteiztarrak gidatzen duen hirukoteak eta Thumbscrew estatubatuar taldeak joko dute. Kathrine Windfield danimarkar pianista buru duen boskoteak hartuko du agertokia uztailaren 16an, Moises P Sanchez madrildarrak burutuko duen gau batean.
Iluntzeetako kontzertuak Anne Paceo eta Antonio Sanchez bateria-jotzaile handiek itxiko dituzte uztailaren 17an.
Jaialdiak, halaber, "jazz musikariek proposamen berritzaile eta freskoenak" eskainiko ditu arratsaldero, 17:45etik aurrera, Principal antzokian, hala nola CMS Javier Colina kontrabaxu-jotzailearen hirukotea.
Donostia
Donostiako 56. Jazzaldiak 60 doako eta ordainpeko kontzertu eskainiko ditu uztailaren 21etik 25era, hiriko zortzi agertokitan, eta kerik gabeko guneak izango dira, gainera, horiek guztiak, estalpean zein kalean egin.
Ordainpeko emanaldiak San Telmoko klaustroan 11:00etatik aurrera (Marco Mezquida, Iñaki Salvador…), Victoria Eugenian 12:30ean (La Locomotora Negra, Chano Dominguez…), Kursaalen arratsaldeetan (Arlo Parks, Buika, Jorge Pardo eta Niño Josele, Silvia Perez Cruz…) eta Trinitate plazan 21:00etan (Cécile McLorinSalvant, Kenny Barron, Noa, Brad Mehldau, Bill Frisell...) izango dira.
Aurten, berritasun modura, Jazzaldiak bi kontzertu eskainiko ditu Chillida Lekun 19:00etan: uztailaren 18an, jaialdiaren atariko gisa, Cécile McLorin Salvant kantaria arituko da, eta larunbatean, uztailak 24, Ceramic Dog Marc Ribot gitarrista buru duen hirukotea, Hope diskoa aurkezten.
Donostiako Jazzaldirako sarrerak salgai daude dagoeneko, eta Gasteizkoak ekainaren 15etik aurrera erosi ahalko dira.
Zure interesekoa izan daiteke
Rolling Stones taldeak bertan behera utzi zuen San Mameseko kontzertua
San Mames gau historiko baterako prest zegoen 1998an, baina Rolling Stones taldeak bertan behera utzi zuen kontzertua eman behar zuen egun berean, azken orduko dei bat jaso ostean. Bost urte geroago itzuli ziren, 2003an, eta orduan bai bete zuten San Mames. Ikuskizun handia eskaini zuten.
?fmt=webp-alpha&qlt=80)
Zetakek erresistentziaren, oroimenaren eta irudimenaren gotorleku bilakatu du San Mames
2084an kokatutako distopia futurista baten bidez, musika, antzerkia, ikus-entzunezkoak eta performancea uztartu zituen bart Zetak taldeak San Mamesen, 40.000 ikusleren aurrean. Une hunkigarrienetakoa Jose Angel Iribarrek eta Inaxio Kortabarriak estadioko pasabide nagusia zeharkatu zutenekoa izan zen, ikurrina eta Nafarroako bandera eskuetan hartuta, 1976ko Atotxako desobedientzia-ekintza gogora ekarriz.
Zetakek ikuskizun berri bat iragarri du 2027ko urtarrilerako, eta igandean jarriko dituzte sarrerak salgai
Pello Reparazek ezustekoa eman du "Mitoaroa III"ren lehen kontzertuaren amaieran. Proiektu berriak "Km0" izena izango du, eta urtarrilean iritsiko da. San Mameseko bigarren kontzertua zuzenean emango dute gaur ETB2n eta ETB ONen.
'Mitoaroa III', ikusmin handia ikusleen artean
Milaka lagun hurbildu dira San Mamesera Zetak taldeak prestatu duen ikuskizunaz gozatzeko. Guztira, 80.000 lagunek gozatuko dute “Mitoaroa III” esperientzia bereziaz.
Euskadiko Orkestrak Aita Donostia omenduko du Mahlerrek abiatuko duen denboraldian
Hamar programa izango ditu guztira 2026/2027 denboraldiak, eta orkestrak Aita Donostia, Sanjuan, Ozaita, Sorozabal eta Guridi euskal konpositoreen lanak berreskuratuko ditu.
The Hivesek, Corrosion of Conformityk eta Imelda Mayk Mendizabala piztu dute
Bart, ostegunarekin, rockaren sua piztu da Gasteizen, Mendizabalako eremuan. Azkena Rock jaialdiak aurretik dituen bi gauetan, Alice Cooper, Social Distortion, Jason Isbell, Circle Jerks, Evaristo, Discharge, Superchunk...
Pello Reparaz: "Azken garaiko egoera geopolitikoetatik dator 'Mitoaroa III' egiteko motibazioa"
ETBko Nazioarteko gaien buruak, Mikel Reparazek, bere ohiko gaiak alde batera utzi eta lehengusu Pello Reparazi elkarrizketa egin dio Zetaken Mitoaroa III ikuskizunaren bezperan. San Mameseko ikuskizunaren zertzelada batzuk kontatu dizkio eta bestelako gai ugari jorratu dituzte, alor pertsonala ere ikututa.
Pello Reparaz: "Tentsio handia dago, argi eta garbi"
Mitoaroa III-ren atarian, Mikel Reparaz kazetariak Pello Reparaz elkarrizketatu du. Solasaldia ostegunean, ekainak 18, egongo da ikusgai, ETB1en (21:45ean) eta ETB2n (23:15ean). Musikariak adierazi du "beharbada hurrengo hilabeteetan ordainduko dugun tentsio maila" jasaten ari direla ikuskizuna prestatzeko lanetan.
'Mitoaroa', Atik Zra
Zetak taldeak Mitoaroa trilogia itxiko du ostiral-larunbatetan San Mamesen, 80.000 pertsonaren aurrean. Zetaken eta Mitoaroaren errepasoa egin dugu, burutik burura.
Zetaken 'Mitoaroa III' ikuskizun historikoa, zuzen-zuzenean, larunbatean, San Mamesetik, ETB2n eta ETB ONen
Ostegun honetan, Mikel Reparaz kazetariak Pello Reparazi elkarrizketa zabala egingo dio. Ikusgai izango da ETB1en (21:45ean) eta ETB2n (23:15ean), "Bizi Natura" saioaren ondoren