Nafarroako Orkestrak emakumezkoen lana azpimarratuko du denboraldi berrian
Nafarroako Orkestra Sinfonikoak 12 ziklo kontzertu eskainiko ditu Baluarten 2021/2022 denboraldi berriaren baitan, urriaren 7tik maiatzaren 26a bitartean.
Programazioak bi urteurren jasoko ditu; batetik, Emilio Arrieta (Gares, 1821-1894) musikagilearen jaiotzaren berrehungarren urteurrena, bere azken obra eszenikoa den San Franco de Sena zarzuela berreskuratuko dela; bestetik, orkestraren denboraldiari hasiera emanez, aurtengo Kulturaren Viana Printzea Saria jaso berri duen Teresa Catalán iruindar musikagilearen 70. urtemuga, berak konposatutako El canto de Atenea obraren erabateko estreinaldiarekin. Alondra de la Parra mexikar maisuak zuzenduko du hori, gainera.
Gainera, NOSek emakumezko nabarmenak izango ditu protagonista, bakarlari eta zuzendari gisa, 21-22 denboraldian: besteak beste, Isabel Villanueva, Pilar Constancio, Rosa Torres-Pardo, Cristina Montes Mateo, Clara-Jumi Kang eta María José Rielo, hala nola Alondra de la Parra bera, Anna Rakitina eta Lina González-Granados musika-zuzendariak.
Tuteran eta Tafallan bosna kontzertuko zikloak egingo ditu orkestrak, Iruñekoez gain.
Zure interesekoa izan daiteke
Euskadiko Orkestrak Aita Donostiaren "La vie profonde de Saint François d’Assise" berreskuratu du
20 talde eta artistak Pirritx, Porrotx eta Marimotots omenduko dituzte disko bikoitz batean
Alejandro Espinosa, pianoen doinua zaintzen duen profesionala
BIMEk musika arloko ehunka profesional bildu, eta 70 kontzertu eskainiko ditu Bilbon
Honela trebatzen dira kantu klasikoko belaunaldi berriak Donostiako Musikene zentroan
Latzen taldearen "Laztana" kantuak 30 urte bete ditu
Exkixuren bideoklip berria: “Amaiur” (2026)
Exkixu taldea itzuli da
Igor Arzuaga musikaria zendu da
