FANT zinema jaialdia maiatzaren 5etik 13ra arte luzatuko da
Bilboko Zinemaldi Fantastikoak 29. edizioa ospatuko du maiatzaren 5etik 13ra, Bilboko Udalak antolatuta. Jaialdiaren egitaraua gaur goizean aurkeztu dute Justo Ezenarro FANT Jaialdiko zuzendariak eta Eugenio Puerto jaialdiaren programatzaileak.
FANTek motorrak berotu ditu dagoeneko PreFANT zikloaren proiekzioekin eta jarduera paraleloekin, baina maiatzaren 5ean, ostirala, Campos Eliseos antzokian egingo den gala batekin hasiko da aurtengo edizioa.
Ekitaldi horretan, Burnin' Percebes taldea (Nando Martinez eta Juan Gonzalez) zuzendari eta Brays Efe, Bruna Cusi eta Javier Botet protagonista dituen "El fantástico caso del Gólem" film luzea proiektatuko da, umorerik ilunena eta argitsuena nahasten dituen fantasiazko komedia ganberroa. Ondoren, Sail Ofizialeko 11 euskal film laburrak proiektatuko dira Campos antzokian bertan.
Maiatzaren 12an, ostirala, FANTen itxiera ekitaldia izango da BBK Aretoan, eta FANTeko Izarra saria emango da bertan, Zinemaldiko sari nagusia. Oraingo honetan, Belen Rueda aktorearentzat izango da, besteak beste "El Orfanato" eta "Los Ojos de Julia" filmetako protagonistarentzat.
Sari horiez gain, aurten Estatuko zinemako bi izen handiri emango zaizkien Ohorezko FANT sariak ere banatuko dira. Zorion Eguileorrek ibilbide luzeko euskal aktore, musikari eta esatari gida egindako lanagatik jasoko du, eta Paco Plaza zuzendariak jasoko du bigarrena.
FANTen lehiaketako Sail Ofiziala aurten ere programazio anitza eta askotarikoa izateagatik nabarmentzen da. Hautaketan, 17 film izango dira, guztiak estreinaldiak Bilbon. Gainera, 29. edizio honetan, film laburrek pisu handia izango dute programazioan; 30 proposamen, guztira. Horien artean, euskal zuzendariek sinatutako 11 film labur proiektatuko dira, FANT Laburrean Euskal Filmak sailean.
Zinemaldiak pantaila handira eramango du berriro William Friedkinen "El Exorcista", estreinatu zenetik 50 urte bete dituena aurten, eta Gizon Ikusezinaren mitoa izango du ardatz eta karteleko protagonista.
Sarrerak eta bonoak
Inaugurazio saiorako eta euskal film laburren saiorako sarrerak gaurtik aurrera egongo dira eskuragai Campos antzokian, 5 euroan, amaierako galarako eta BBK Aretoko palmaresaren proiekzioetarako sarreren prezio berean.
Azkuna Zentroko Auditorioan eta Golem Alhondiga zinemetako 1. aretoan programatutako emanaldietarako sarrerak ere gaurtik aurrera egongo dira salgai, 5 euroren truke.
Era berean, 35 euroko abonu bat jarriko da salgai, askotariko saioetarako eta prentsarako proiekzioetarako sarbidea ere emango duena.
Golem Alhondiga zinemetako 2. aretorako sarbidea, berriz, doakoa izango da edukiera bete arte.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.