Sakabanaketa politikaren aurka, jendetza bildu da Elorrion
Elorrioko plazatik 17:45ean abiatu da manifestazioa. Jendetza batu da Arkaitz Bellonen sorterrian, sakabanaketa politika salatzeko. Manifestazioaren buruan, Arkaitzen bi lagun, preso zendu berriaren argazki handi bat eskutan. Atzetik, ikurriña handi bat eta manifestazioaren pankarta eraman dute senide eta lagunek, "Espetxe politika honi ez. Sakabanaketa politika amaitu" lelopean. Elorrioko kaleak zeharkatu ondoren, txalo eta oihu artean, plazan amaitu da manifestazioa. Han, Bellonen bi adiskidek agiria irakurri dute: "Arkaitz, azkena izan behar duzu. Zure heriotza, eta esango dute nahi dutena, ez da batere naturala; menduzko kartzela politika ez baita batere naturala. Kartzela politika ankerrak hil zaitu. Bai Arkaitz, horrek hil zaitu! Eta nahikoa dela diogu".
Arkaitz Bellonen gorpua goizean heldu da Euskal Herrira, eta Otxandion egin diote lehen harrera elorriotarraren gorpuari. Atzo arratsaldean, 19:00etan, abiatu ziren Bellonen senitartekoak Cadiztik, goizean familiaren konfiantzazko medikuak autopsia egin eta gero.
Gorpua Iurretako beilatokian egon da. 11:00etan atera dute handik, eta Iurretatik Elorriora auto-karabanan joan dira. Bidean, errepide ertzean, jendetza batu da, ikurriñak eta presoak Euskal Herritaratzearen aldeko zapiak eskutan. 12:00etan lagunek eta senitartekoek omenaldi zibila egin diote Arriola Antzokian; ekitaldi pribatua izan da, gertukoenei zuzendutakoa. Krespoi beltzak ikurrinetan eta krabelin gorriak eskuetan, jendetza batu da antzokiaren inguruan. Ondoren, antzokian bertan, hil-kapera ireki dute 15:00ak arte. Besteak beste, ezker abertzaleko ordezkaritza zabala izan da, Laura Mintegi, Joseba Permach eta Pernando Barrena, eta LABeko Ainhoa Etxaide. Hil-kaperatik jendetza igaro da Belloni azken agurra ematera eta familiari elkartasuna adieraztera.
Autopsiak
Auzitegiko Institutu Anatomikoaren auzitegi medikuak eta Arkaitz Bellon euskal presoaren familiak jarritako konfiantzazko medikuek egindako autopsien aurretiazko txostenaren arabera, "arrazoi naturalengatik bat-bateko heriotza izan zuen", horregatik "ez dago eragindako heriotzaren susmorik".
Ohar batean Etxeratek azaldu zuenez, "nolanahi ere, falta diren frogen emaitzei itxaron behar zaie, baita behin betiko txostenari ere".
"Etxeratentzat argi dago Arkaitz Bellonek 13 urtez bete duen zigorrak harreman zuzena duela heriotza eragin dion amaierarekin. Torturak, jipoiak, lekualdaketak eta etengabeko tentsioak zuzenean eragiten dute osasunean", azaldu du. Egoera horiek "ez dira arrisku faktore bat bakarrik, erabakigarriak baizik", gaineratu zuen Etxeratek.
Zure interesekoa izan daiteke
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.
Amaitu egin da Kitchen auziaren epaiketa, lau hilabeteren ostean
Lau hilabetean zehar, 100 lekukok baino gehiagok deklaratu dute, eta epaiaren zain gelditu da prozesua.