Gobernua PSNri ematearen alde dago Barkos, bozak aurreratzeko bada
Uxue Barkos Geroa Bairen diputatuak esan du Nafarroako klima politikoa "jasangaitza" dela. Horregatik, hauteskundeak aurreratzeko eskatu du, "gizarteak hitza hartzeko" garaia iritsi dela iritzita. Era berean, zentsura mozioa onartu ondoren Gobernua PSNri ematearen alde agertu da, baina hauteskundeak aurreratzeko helburu bakarrarekin.
Barkosek Euskadi Irratian egindako elkarrizketa batean azaldu duenez, Idoia Nieves Nafarroako Ogasuneko zuzendari ohiak Lourdes Goicoechea Ekonomia kontseilariaren kontra egindako akusazioen ostean, "klima instituzionala erabat apurtu da, nahiz eta lehen ere oso txarra izan".
"Azken bi urteotan ez dugu lasaitasunik izan Nafarroan, Gobernuak ez du nahikoa lasaitasunik izan lan egiteko. Barcinak bere eserlekuan jarraitzea erabaki du. Beraz, klima jasangaitza da eta, gure ustez, zentsura mozioaren arrazoi bakarra hauteskunde aurrerapena izango litzateke, gizarteak hitza har dezan", berretsi du.
Hori horrela, Barkosentzat "ikusteko" dago PSNk azken egunotan egin duen "aldaketak zer bide hartzen duen", Yolanda Barcinak 15 egunean dimisioa ematen ez badu edo hauteskundeak aurreratzen ez baditu zentsura mozioa aurkeztuko zutela iragarri ostean.
Horren harira, arreta PSNren eta Bilduren arteko balizko itun batean jartzea eta "UPNk, PPk eta hedabide batzuek hartu duten estrategia" salatu ditu Barkosek, "ustelkeria kasu baten aurrean gaude" eta.
"Egia da presioa norabide horretan egongo dela, PSOEren kontra, baina gogoratu behar da azken aldian UPNk eta Bilduk ere bat egin dutela Tafallan eta Oliten aurrekontuak ateratzeko, eta ez da ezer gertatu", adierazi du.
Hala, PSOEren barruan ere "oso adierazpen desberdinak" entzun dituela, baina "adierazpen irmoagoak" espero dituela azaldu du. "Eduardo Madinak argi esan zuen gobernuan aldaketa beharrezkoa dela, baina ez zuen zehaztu nola. Elena Valenciano beste bide batetik joan zen, baina inork ez du esaten zentsura mozio bat sinatzea gauza bat dela, eta mozio horrek lortzen dituen botoak, beste bat", gaineratu du.
Gainera, Roberto Jimenez PSNren idazkari nagusiak presidente izateko "zailtasun handiak" izango lituzkeela uste du, "besteak beste, Yolanda Barcina presidente izan zedin aldeko botoa eman zuen alderdiko buruzagia delako, eta bere presidenteorde izan zelako urtebetez".
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.