51 espainiar Jihadera batu direla adierazi du Gobernuak
Jorge Fernandez Diaz Espainiako Barne ministroak gaur jakitera eman duenez, 51 espainiar daude Iraken eta Sirian jihadista gisa borrokan. Horietako hiru atxilotu egin dituzte Espainiara itzuli direnean.
Fernandez Diazek eta Frantziako Bernard Cazeneuve Frantziako Barne ministroak bilera egin dute gaur Bartzelonan, besteak beste, jihadismoa eta legez kanpoko immigrazioa gaiak jorratzeko.
Espainiako Gobernuak jihadismoaren kontrako estrategia bat onartuko duela iragarri du Espainiako Barne ministroak. Estrategia horren baitan "trebatze pasibo" gisa izendatu duenari aurre egiten saiatuko direla adierazi du. Gero aplikatzeko intentzioarekin Interneten teknika terroristak ikasten dituzten pertsona horiek izan ditu hizpide Espainiako Barne ministroak: "Trebatze terrorista hori behar bezala frogatu beharko dute Poliziaren eta epaileen ikerketek". Halaber, estrategia horren baitan beste neurri batzuk hartuko dituztela adierazi du, "erradikalizazio bortitza"ren kontrakoak esaterako.
Espainian gaur egun dagoen mehatxu terroristaz galdetuta, 2. mailakoa dela eta ez dela aldatu nabarmendu du. Maila hori "altua" dela, baina Europar Batasuneko gainerako herrialdeetan dagoenaren parekoa dela azpimarratu du. Bestalde, Bernard Cazeneuve Frantziako Barne ministroak ez du zehaztu zenbat frantziar dauden jihadistekin borrokan, baina Europako herrialdeek "itzulerarik gabeko bidea hasten duten pertsona horien irteera saihestu behar dute, jihadismoarekin bat egin, hil edo etxera itzulitakoan mehatxu bihurtzen direlako".
Frantziako ministroaren iritziz, jihadismoa legez kanpoko immigrazioaren eragileetako bat da, izan zere, "mehatxupean dauden herritarrak" mugitzera behartuak sentitzen dira, batez ere, Siria edota Irak bezalako herrialdeetan.
Legez kanpoko immigrazioaren kontra borroka egiteko koordinatzaile bat sortzea proposatu dute bi herrialdeek. Bi herrialdeetako Barne ministroek itsasoz iristen diren etorkinengan jarri dute arreta, eta Mediterraneo itsasoa zaintzeko operazio bat jarriko dela abian adierazi dute.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.