EAJk 'Champions mailako taldea' aurkeztu du Bilborako eta Bizkairako
Itxaso Atutxa EAJren Bizkai Buru Batzarreko (BBB) presidenteak “Champions mailako taldea” aurkeztu du Bilbo eta Bizkairako; Aburto Bilboko alkategaia da, Unai Rementeria Bizkaiko ahaldun nagusi izateko hautagaia, eta Ana Otadui Batzar Nagusietarako.
Horiek guztiek “titanioko ituna” mantentzearen alde egin dute, “ekonomiaren suspertzea, enplegua eta pertsonak” berreskuratzeko bai Bilbon, baita Bizkaiko Lurralde Historikoan ere.
Euskalduna Jauregian egindako ekitaldi batean Atutxak ziurtatu duenez, “gaur-gaurkoz, EAJk Bizkairako duen onena dira” hiru hautagaiak, eta, nahiz eta gazteak diren, “ez dute aurkezpenik behar, euren ibilbideak ziurtatzen dituelako”, hirurek kargudun izan baitira luzaroan. “Gure aurrekoak harro egon daitezke eta gure oinordekoak lasai egon daitezke”, adierazi du.
BBBren presidentearen arabera, EAJk “ziurtasuna ematen duen iragana du, eta iragan horrek ondareak eskatzen duen maila ematera behartzen du”, Euskadi “oparoagoa, solidarioagoa eta askeagoa” izateko. “Gure iragana aldarrikatzen dugu, eta etorkizunera begira gaude, bi gauzak uztar daitezkeelako”.
Bestalde, hitzaldian, Juan Maria Aburto Enplegu eta Gizarte Politiketako sailburuak baieztatu duenez, “sentimendurik handienarekin eta harro, Iñaki Azkuna alkate ohiaren legatua” jasoko du. Azkuna, Aburtoren hitzetan, “pertsona errespetagarria eta benetako eredu” izan zen.
Era berean, ahaldun nagusi izateko hautagaia “talde honetako” kide izateagatik harro agertu da, eta, azaldu duenaren arabera, “EAJren emakumezko eta gizonezkoen indarrak ziurtatzen” du.
Gainera, Ana Otadui Bizkaiko Batzar Nagusietarako hautagaiak herritarren parte hartzea ardatz izan du. Otaduiren esanetan, Elorrioko alkate eta legebiltzarkide izan den garaian, parte hartzearen aldeko apustua egin du eta “hala egiten jarraituko” du.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.