Rajoyk EAJri: 'Espero den aldaketa bakarra ETA desegitea da'
Mariano Rajoy Espainiako Gobernuko presidentea EAJri zuzendu zaio gaur, eta esan dio "espainiarrek espero duten aldaketa nabarmen bakarra" ETAk "desegitea" iragartzea dela.
Radio Nacionalen egindako elkarrizketa batean, Rajoyk hizpide hartu ditu atzo EAJko hainbat buruk (Iñigo Urkullu eta Andoni Ortuzar, kasu) Aberri Egunean egindako adierazpenak.
"ETA erakunde terrorista gisa desegitea da esperotako aldaketa", berretsi du Rajoyk.
Urkulluk Autonomien Estatua agortuta dagoela esan zuela eta, Rajoy sistema horren alde agertu da, eta azken urteetan "ondo funtzionatu" duela adierazi du.
"Euskadik ez du inoiz izan horrenbeste autogobernu maila", nabarmendu du.
Ortuzarrek immobilismoaren aurka egin du
Andoni Ortuzar EAJren presidenteak ziurtatu duenez, ezker abertzaleak aurrerapausoa eman eta autokritika egin beharko luke, Rajoyren Gobernuko "immobilismoak" ezin baita haientzat "aitzakia izan euren immobilismoari heltzeko".
Aberri Egunaren ondorengo egunean, EBBeko presidenteak atzo esandako adierazpenen harira galdetu diote Ser irratiak egindako elkarrizketa batean: "Europako zeruan izar izatea amesten dugu eta izar izango gara Europako zeruan".
Ortuzarrek, gaur, azaldu du esaldi horrek esan nahi duela euskal herritarrek etorkizuna erabaki behar dutela eta "EAJk proposatutako proiektua Euskadi Europa Nazioa" dela.
"Gaur egun, independentzia kontzeptu erlatiboa; independentea al da Espainia? Rajoy presidentea gobernu independente baten presidentea da edo Bruselatik esaten al diote zenbateraino zorra izen behar duen? Subiranotasuna eta independentzia zalantzan jarrita daude", esan du..
PPko Zuzendaritzaren bilera
Bestalde, bihar PPko Zuzendaritza Nazionala biltzekoa dela eta, hurrengo hauteskundeei aurre egiteko "batasuna" eskatuko duela aurreratu du Rajoyk.
"Tradizionalki, PP batuta egon da eta ondo funtzionatu du, hainbat gaitan desadostasunak sor daitezkeen arren", gaineratu du.
, gaineratu du.Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".