Fernandez Diaz: 'Bilduk legea eta nafarren sentimenduak urratu ditu'
Jorge Fernandez Diaz Espainiako Gobernuko Barne ministroak EH Bilduri esan dio ezin direla nafarren sentimenduak eta legea urratu, sanferminetako txupinazoan, ikurrina Iruñeko udaletxean eskegita "argi eta garbi" egin dutenez.
Fernandez Diazek kazetarien aurrean egin ditu adierazpenok, Guardia Zibilaren egoitzan Siomnetta Smmaruga Suitzako Konfederazioaren presidente eta Justizia eta Polizia ministroarekin bildu eta gero.
"Agerikoa da, hiriburu nafarreko alkatea EH Bildukoa bada, halakorik gerta daitezkeela", esan du ministroak.
Zuzenbide-estatu batean, baina, "argi" dago legea bete egin behar dela, gaineratu du, eta "banderen foru legeak ikurrina eskegitzea galarazten du".
Ministroaren esanetan, EH Bilduk Euskal Herriaren independentzia eta Nafarroak bat egitea nahi du; "beste kontu bat da lortuko duten", erantsi du. Espainiako Gobernuak Nafarroan duen Ordezkaritzak "legearen arabera jardun du Justiziak esku har dezan", eta "legea betearaziko du", esan du Fernandez Diazek.
Gainera, ministroaren ustez, Justiziak ebatziko du ikurrina ezin dela eskegi eta segurtasun indarrei kentzeko aginduko die, agintari politikoek ez badute aurretik egiten.
Fernandez Diazen arabera, ikurrina eskegita "argi eta garbi" urratu dute legea, baina "baita nafar askoren, gehiengoaren, sentimenduak ere, foru erkidegoa nahi dutelako, ez beste erkidego batekin bat egitea".
"Ariketa positiboa"
Xabier Mikel Errekondo Amaiurreko diputatuak esan duenez, ikurrina eskegitzea "ariketa positiboa da elkarbizitzarentzat eta hiritarren aniztasunarentzat".
"Oso argi daukagu gaur egun arte aplikatu duten sektarismoaren amaiera dela. Lehenengo aldia da Iruñeko hiritar guztiak identifikatzen direla udaletxearekin", esan du Kongresuko Bozeramaileen Batzordean parte hartu aurretik.
Bestalde, Aitor Esteban EAJk Kongresuan duen bozeramailearen arabera, sortutako polemika "hedabideetan dagoela dirudi" eta, gaineratu duenez, txupinazoa dela eta izandako ospakizunak "inolako arazorik gabe" egin ziren.
Gainera, Estebanek esan du nafarren sentimenduak "oso anitzak" direla eta ez duela polemika harrotu nahi. Jorge Fernandez Diaz ministroak egin dituen adierazpenen aurrean, alderdi batzuk "oso eroso daude" halakoak ikusita, jeltzalearen ustez, baina ahaztu egin du Nafarroak "arazo askoz sakonagoak" dituela, gaineratu du.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.