GALen biktimek helegiteak jarriko dituzte arrazoia ematen dieten arte
Egiari Zor kolektiboan bildutako GALen eta eskuin muturreko taldeen biktimek iragarri dute helegitea jarriko dutela Auzitegi Nazionalak kalte-ordaina ukatzeko hartu duen ebazpenaren kontra.
Ane Muguruzak (Josu Muguruza 1989an Madrilen tiroz hil zuten HBko diputatuaren alaba) prentsaurreko batean azaldu duenez, helegiteak jarriko dituzte Auzitegi Gorenean, Konstituzionalean eta Giza Eskubideen Europako Auzitegian, arrazoia ematen dieten arte.
Muguruzak dio Estatuak itun europarra "gaizki" erabili duela salatu du; izan ere, itunak dio kalte-ordainak kentzeko aukera dagoela biktima gaizkile taldeko kide bazen, baina "epai irmo batean oinarritu behar da parte-hartze hori", gaineratu du.
Muguruzaren arabera, Auzitegi Nazionalarentzat "ez da beharrezkoa ebazpen judizialik egotea hildako pertsona horiek ETAko kideak zirela frogatzeko", eta "hilketak gertatu eta hamarkada batzuetara egindako polizia-txostenetan" oinarritzen da.
Hala, epaia "berdintasun eta biktimak ez diskriminatzeko printzipioen kontra" doala eta "legezkotasun, segurtasun juridiko eta errugabetasun presuntzioa urratzen" dituela uste dute.
Egiari Zorren ustez, arazoa ez da ekonomikoa, baizik eta "errelatoaren borroka deiturikoa", Estatuak "beretzat nahi baitu sufrimenduaren monopolioa, horrek bermatzen baitu hemen egon den indarkeria bakarra ETArena izan dela dioen tesia".
Kolektiboak jakinarazi du orain arte hamar kalte-ordain eskari errefusatu dituela Auzitegi Nazionalak, eta lau onartu.
Zure interesekoa izan daiteke
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.