Tafallako alkatea: 'Sakabanaketa amaitzea eskatu izana ez da delitua'
Arturo Goldaracena (EH Bildu) Tafallako alkateak esan du “kontzientzia lasai” daukala, “euskal presoen sakabanaketaren amaiera eskatzea delitua ez delako”.
Goldaracenak agerraldia egin du, Auzitegi Nazionalak ustez terrorismoa goratzeagatik inputatu duela jakin eta gero. Tafallako festetan, udaletxeko balkoi batean, euskal presoen Euskal Herriratzea eskatzen zuen pankarta bat eskegi zuten eta bera egin dute erantzule, alkatea delako.
Inputazioa “oso larria” dela adierazi du eta gogora ekarri du aurreko legegintzaldian ere antzeko inputazioak izan zirela Leitza, Altsasu edo Atarrabaiko kargu publikoen aurka. “Inputatu, deklaratzera deitu eta hori guztia azkenean dena ezerezean geratzeko”, erantsi du.
“Era berean, oso larria da Madrilek Auzitegi Nazionala erabiltzea demokratikoki aukeratuak izan garen kargu publikoen lan instituzionala oztopatzeko”, salatu du. “Hauteskundeetako emaitzak ez dituzte onartu eta orain horrelako inputazioen bitartez elkarbizitza gaiztotu nahi dute”, gaineratu du.
Goldaracenak nabarmendu du sakabanaketaren amaiera eskatzea ez dela delitua. “Alderantziz, oso luzea eta oso konplexua den gatazka konpontzearen aldeko aldarrikapena da; inputazioak, berriz, aurrera egiteko oztopoak baino ez dira”, azaldu du.
Bestalde, ukatu egin du udaletxeko balkoian eskegita egon zen pankartak Herriaren logotipoa zuela.
Azken 15 urteotan antzeko lelodun pankartak agertu izan direla, baina orduan ez zutela inor inputatu azpimarratu du. “Orduan alkateak PSNkoak edo UPNkoak, baina ez zituzten deklaratzera deitu, ezta inputatu ere. Argi dago alderdi politiko guztiei ez zaiela irizpide bera aplikatzen”, kritikatu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.