Kataluniako Parlamentuaren agindua beteko duela esan du Generalitateak
Kataluniako Parlamentuak Generalitateari eman dion agindua bete egingo dutela adierazi du Neus Muntek.
"Kataluniako Parlamentua ganbera soberanoa da eta gu handik jasotako agindua betetzen ari gara soilik", azaldu du Generalitateko presidenteorde eta bozeramaileak.
Auzitegi Konstituzionalak Kataluniako Estatua sortzeko adierazpena bertan behera utzi duela eta, Espainiako Gobernuak auzitegi hori Kataluniaren aurka erabiltzen duela salatu du.
"Kataluniako askatasun eta demokrazia nahiari mozala jartzeko erabili dute Auzitegi Konstituzionala", erantsi du.
Prozesu independentista abiarazteko ebazpenak Kataluniako Parlamentuko gehiengo absolutuaren babesa lortu zuela eta ganbera hauteskundeen ostean osatu zela gogoratu du Muntek. Beraz, “zilegitasun osoa daukagu adierazpena indarrean jartzeko”, nabarmendu du.
Gauzak horrela, “Kataluniako Gobernuaren asmoa ebazpenarekin aurrera jarraitzea da, eta hori ez da desobedientzia, hori gure Parlamentuarengandik jasotako mandatu demokratikoari men egitea da”, azaldu du.
Bestalde, harridura agertu du Mariano Rajoyk Kataluniako herritarren defentsan ari dela esan izana, “Estatuak aspalditik ez dituelako Kataluniako herritarren eskubideak babesten”.
Horrez gain, Katalunian demokrazia jokoan ez dagoela erantzun dio Muntek Rajoyri. “Katalunian demokrazia defendatzen ari gara eta osasuntsu dago”, adierazi du.
Kataluniako Gobernuak oraingoz ez du Auzitegi Konstituzionalaren ebazpena jaso. Dokumentua aztertzen dutenean balorazio zehatzagoa egingo dutela iragarri du Muntek.
>
Zure interesekoa izan daiteke
PPk "oso larritzat" jo du Zapateroren inputazioa eta azalpenak eskatu dizkio Sanchezi
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du 'Plus Ultra auzian', ustez dirua zuritzeagatik
Espainiako Gobernuak Plus Ultra airelineari emandako 53 milioi euroen ustezko erabilera irregularra ikertzen ari da Jose Luis Calama Auzitegi Nazionaleko magistratua. Ekainaren 2rako deitu dute Zapatero.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".