Euskal alderdiak, Kongresuaren osaketaz
Ekainaren 26ko hauteskunde orokorretan Espainiako Kongresuan ordezkaritza lortu duten bost alderdiak (Elkarrekin Ahal Dugu, EAJ, PSE-EE, EH Bildu eta PP) ganberen osaketan hartuko duten jarreraz mintzatu dira astelehen honetan Radio Euskadin.
Elkarrekin Ahal Dugu
Elkarrekin Ahal Duguk EAEn eta Nafarroan jasotako babes "zabala", eta euren eskakizunetako asko "berdintsuak" direla kontuan hartuta, Kongresuan taldea edukitzea eskatuko dute Podemos Euskadik eta Nafarroako Ahal Duguk.
Dena den, Nagua Alba Podemos Euskadiko idazkari nagusi eta Gipuzkoako diputatuak aitortu duenez, PPk eta Ciudadanosek ituna lortzen badute, taldea lortzen zaila izango da, alderdiok ez dutelako "Estatuaren nazio aniztasuna kontuan hartzen". Mahaiaren Presidentetzarako Xavier Domenechen hautagaitza babestuko dutela iragarri du Albak.
EAJ
Aitor Esteban EAJk Kongresuan duen bozeramaileak iragarri duenez, jeltzaleak abstenitu egingo dira Mahaiaren Presidentetzaren bozketan. "Asko hitz egin da hautagai sozialistaz, edo Podemosek aurkez lezakeenaz, baina apenas egon da harremanik; telefono deirik ez da egon, ez behintzat alderdi nazionalistei, edo EAJri behintzat ez", argitu du.
PPrengandik "oso urrun" daudela esan du Estebanek, eta zailtasunak zailtasun, hirugarren hauteskunde batzuk egongo ez direla uste du buruzagi jeltzaleak, "Estatuko alderdi handiek ezingo lukete hori pasatzen utzi", Estebanen aburuz.
PSE-EE
Javier Lasarte Arabako diputatu sozialistak "akordioak" lortzeko unea dela nabarmendu du: "Akordioa bilatu behar da, baina ez bakarrik Kongresuaren Mahaian, diputatu gehien duen taldea, PP, gutxiengoan dagoelako".
Inbestidura ahotan, Mariano Rajoyri iragarritako ezetza "behin betikoa" dela azpimarratu du Lasartek. Kongresuko Mahaiaren presidenteari dagokionez, bestalde, negoziatzen ari direla esan du, eta izenak aipatzea "arduragabekeria" litzatekeela.
EH BILDU
Marian Beitialarrangoitia EH Bilduko diputatuak iragarri duenez, koalizio abertzaleak ez du Mahaiko osaketaren bozketan parte hartuko, presidenteak Ganbera "demokratizatzeko" borondatea agertzen ez badu, edota Presidentetzari nola aurre egingo duen argitzen ez badu. Beitialarrangoitiaren iritzian, "Presidentetzaren jokoak legegintzaldiko zein inbestidurako akordio posibleak utziko ditu azalean".
"Aulkian jesarri baino lehen, Kongresua nola demokratizatu eta hobetuko duen argitzen duen pertsona" bat nahiko luke EH Bilduk ganberako presidente.
PP
Kongresuko Mahaiko osaketaz harago doan itun baten alde mintzatu da Leopoldo Barreda PPren Bizkaiko diputatua. "Gobernu egonkor bat behar dugu datozen lau urteetarako, eta inork ez du ezer oparitzen, eta ez du posturik eskainiko, trukean ezer eman gabe", esan du.
Alderdiaren Zuzendaritza Batzordeak gaur arratsaldean duen bileran erabakiko du Mahaiaren presidenterako PPren hautagaia. Barredaren esanetan, Ana Pastor "oso hautagai ona da, aipatu diren beste batzuk bezala".
batzuk bezala". batzuk bezala".Albiste gehiago politika
Puigdemontek babes-helegitea jarri du Auzitegi Konstituzionalean eta atxilotze-agindua baliogabetzeko eskatu du
Auzitegi Gorenak eta instrukzio-epaileak emandako autoei jarri die errekurtsoa. Gorenak amnistia ukatu zion, diru publikoa bidegabe erabiltzea leporatzen diotelako.
Eusko Jaurlaritzak elkarrizketa esparruak errespetatzeko eskatu dio PPri, eta "Euskadiri bizkarra ematea" egotzi dio
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak berretsi du Euskadik ez duela migratzaile adingabe gehiago hartuko, "erantzunkidea" izan delako "urte askotan".
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari. Fidantzarik gabeko espetxealdi komunikatua ezarri diote.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.