Francoren gorpuzkiak ez dituzte Eroritakoen Haraneko hobitik aterako
Espainiako Auzitegi Gorenak atzera bota du Francisco Franco eta Jose Antonio Primo de Riveraren gorpuzkiak Eroritakoen Haraneko hobietatik ateratzeko Baltasar Garzon epaile ohiak jarritako helegitea.
Iturri judizialek ohar baten bidez jakinarazi dutenez, Auzitegi Gorenak ez dio aipamenik egin Baltasar Garzonen eskaerari, eta bere garaian Espainiako Gobernuak emandako erantzuna berretsi besterik ez du egin. Arrazoi horregatik, Auzitegi Konstituzionaleko bidea hasiko duela jakinarazi du epaile ohiak.
“Ez gatoz bat Auzitegi Gorenak hartutako erabakiarekin. Biktima guztiek egia, justizia eta konponketa merezi dute, baina auzitegi horrek erasotzaileen alde jokatu du oraingoan ere”, esan dute juristek.
Gauzak horrela, Auzitegi Konstituzionalean babes-helegitea jarriko dute, eta atzera botatzekotan, hurrengo urratsa Europara joatea izango dela iragarri dute. Ildo horretatik, Giza Eskubideen Europako Auzitegira jotzeko aukera aztertuko dute. “Espainiak ezin die entzungor egin frankismoak eragindako 14.000 biktimei”, gaineratu dute.
Diktaduraren biktima guztiak gogoratzeko helburuarekin, Eroritakoen Haranean aldaketa batzuk egitea proposatzen zuten juristek. Era berean, hildako guztiak identifikatzea eta beraien izen-abizenak agertzea eskatzen zuten.
Zure interesekoa izan daiteke
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.