2 urte eta 6 hilabeteko zigorra Txomin Renteria Bakioko alkate ohiari
Bizkaiko Probintzia Auzitegiak bi urte eta sei hilabeteko kartzela zigorra ezarri dio Txomin Renteria (EAJ) Bakioko alkate ohiari, dokumentu publikoak faltsutzeagatik eta administrazioari iruzur egiteagatik.
Gaur jakinarazi duten epaiak urtebete eta sei hilabeteko zigorra ezarri dio agintean egonda dokumentu publikoak faltsutzeagatik, eta urtebeteko zigorra administrazioari iruzur egiteagatik. Leporatzearen atzerapen aringarria du bi kasuetan, eta Bakioko Udalari 140.000 euro ordaindu beharko dizkio, erantzukizun zibilarengatik.
Renteria 1995 eta 2011 bitartean izan zen Bakioko alkatea, eta 2007an, Talasoterapia Kiura proiektuan adjudikatzeen baldintzak berritzeagatik eraman zuten epailearen aurrera.
Aipatutako proiektua eraikitzeko lurra okupatzeagatik Ingurumeneko Ministerioaren Kostako zuzendaritzak ezartzen duen kanona Udalari ordaintzen hasteko data urtebete atzeratzea suposatzen zuen aldaketa horrek.
Bizkaiko Auzitegiko bigarren sailaren ustez, alkateko karguaz "baliatu" zen Renteria eta gaitasungabetze berezia ere ezarri diote zigorra irauten duen bitartean, bai alkate, bai sailburu, baita kontratazio publikoaren ekimenetan parte hartzeko edozein kargu ere.
Epaiak ziurtatzen duenez, "Talasoterapia Kiura esleipendunari mesede egiteko", kontratu administratiboan zentroaren ustiapena hasteko momentura arte kanonaren ordainketa hasi behar ez zutela idazteko agindu zion alkate ohiak korporazioko idazkariari.
Hala ere, baldintza ekonomiko-administratiboetan irakur daitekeenez, kontratazioak kanona zentroaren adjudikaziotik aurrera ordaindu behar zela esaten du.
Epaiaren arabera, aldaketa hori kontratuko parte-hartzaileen ekimena izan zen, kanonaren ordainketaren atzeratzean "interesa" baitzuten.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.