Nafarroako Auzitegiaren ustez, Altsasuko auzia Iruñean epaitu behar da
Nafarroako Auzitegiaren aburuz, ez dago terrorismoko "arrazoizko zantzurik" Altsasun bi guardia zibili eta haien bikotekideei egindako erasoaren. Horrenbestez, epaileari eskatu dio eskumen-arazoa plantea dezala Auzitegi Gorenaren aurrean, kasuko izapideak Iruñean egin daitezen, Auzitegi Nazionalean egin beharrean.
Nafarroako Auzitegiko Lehenengo Sekzioaren esanetan, "ezin ondoriozta daiteke salatutako gertaeretan ustezko terrorismo delitu bat egon izanaren zantzuak daudenik". Hartara, onartu egin du auzian ikertuta dauden bederatzi gazteek jarritako errekurtsoa, eta, auzia Iruñeko hiriburuan bideratu behar dela iritzi dio.
Hori dela eta, auzia Auzitegi Nazionalera bidaltzeari uko egin diezaiola eskatu dio Iruñeko 3. Instrukzio Epaitegiari, eta, eskumen-arazo bat plantea dezala Auzitegi Gorenaren aurrean, hark erabaki dezan nori dagokion ikerketa aurrera eramatea.
Terrorismo delitu bat egin izanaren "arrazoizko zantzurik" ikusten ez duenez, Nafarroako Auzitegiak ondorioztatu du Iruñeko 3. Instrukzio Epaitegia dela eskuduna "salatu diren egintzen izapideak egiteko".
Bere ustez, "printzipioz ustekabean" gertatu zen egintza baten aurrean dago, nahiz eta gertaeraren jatorrian dagoen ustezko erasotzaileek bazekitela erasoa jasan zutenak guardia zibilak zirela.
Alabaina, zehazten duenez, hortik eta egindako adierazpenetatik ezin daiteke ondorioztatu "instituzioak ezegonkortu, bake publikoa modu larrian asaldatu edo jendartean izu egoera sortu nahi zenik".
Zure interesekoa izan daiteke
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.