Baldintzapeko askatasuna ukatu diete preso dauden Altsasuko gazteei
Altsasun bi guardia zibili eta haien bikotekideek eraso egiteagatik espetxean dauden hiru gazteak baldintzapean aske uzteko eskaria atzera bota du Auzitegi Nazionalak. Atxilotuen senideek salatu dutenez, erabakiak argi erakusten du "injustizia geroz eta handiago" baten aurrean gaudela.
Hamabostero bezala, elkarretaratzea egin dute Nafarroako Auzitegiaren aurrean preso dauden gazteen lagunek eta senideek, gazteei terrorismo delitua leporatzearen aurka. Horien izenean, Edurne Goikoetxeak eta Bel Pozuetak hitz egin du hedabideen aurrean, eta Altsasuko kasuaren "bidegabekeria" salatu dute berriro.
Nafarroako Auzitegiak martxoaren 23an kaleratutakoa ekarri dute gogora goizeko bilkuran. Nafarroako Auzitegiaren aburuz, ez dago terrorismo delitua egozteko "arrazoizko zantzurik". Horrenbestez, kasuko izapideak Iruñean egitea eskatu zuen, Auzitegi Nazionalean egin beharrean.
Nafarroako Auzitegiaren adierazpenek, Espainiako Kongresuko eta Senatuko hainbat kidek emandako babesak eta Altsasuko gazteen alde bildutako 14.000 sinadurek "indar handia" eman dietela esan badute ere, atzo Auzitegi Nazionalak askatasun eskaria atzera bota izanak auziaren bidegabekeria agerian uzten duela salatu dute gazteen gertukoek. Borrokan jarraituko dutela gaineratu dute, "tunelaren amaieran, argia ikusten jarraitu nahi" dutelako.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.