Desegiteko erabakia hartzen utzi behar zaio ETAri, Otegiren ustez
Arnaldo Otegi EH Bilduren bozeramaile eta Sortuko idazkari nagusiaren hitzetan, ETAri dagokio desegiteko erabakia hartzea, eta eztabaida hori "lasaitasunez" egiten utzi behar zaio.
Radio Euskadin egin dioten elkarrizketa batean, armagabetzeaz eta ondoren eman beharreko urratsez galdetu diote Otegiri. Espainiako Gobernuak Baionako ekitaldiaz esandakoa kritikatu du ezker abertzaleko buruzagiak, eta ukatu egin du "porrotaren irudia" izan zela. Otegiren hitzetan, "hori da batzuek inposatu nahi duten kontakizuna, amorrarazita daude eta".
ETA armagabetu ondoren, beste gauza batzuez hitz egiteko beharra dagoela aldarrikatu du Otegik: "Orain tokatzen dena da euskal preso politikoei buruz hitz egitea, dispertsioari buruz, preso gaixoei, desmilitarizazioari buruz... Izan ere, herri honetan, 20 polizia dago biztanleko, Europan dagoen ratiorik altuena da, eta beraz, momentua da hitz egiteko Guardia Zibilaz, Polizia Nazionalaz eta Estatuko indar armatuez... badelako garaia atzera-egiteko".
EH Bilduren eledunaren aburuz, "presoak etxera itzuli behar dira, gatazkak konpontzeko nazioarteko estandarrek horrela zehazten dutelako". Euskal presoei ezartzen zaizkien "salbuespeneko politikak ere desagertu" behar direla azpimarratu du Otegik.
Eztabaida EPPKren baitan
Azaldu duenez, Euskal Preso Politikoen Kolektiboa (EPPK) armagabetzearen ondotik sortutako egoera berriaren aurrean izango duen jarrera eztabaidatzen ari da orain. Sakabanaketak eraginda, eztabaida hori egiteko "zailtasunak" dituzte presoek, baina hori gorabehera, "maiatzean edo ekainean" eztabaida horren emaitza zein den jakinaraziko dutela iragarri du Otegik.
"Presoek euren jarrera zehaztu behar dute egoera berri honetan. Bakearen eta independentziaren aldeko ekarpen hori laster egingo dute", argitu du.
ETAren desegiteaz galdetu diotenean, erabaki hori erakundeari dagokiola azpimarratu du Otegik, eta berak halakorik eskatuko ez diola erantsi du. "Ziur naiz ETAk eztabaida horri helduko diola, erantzukizunez", esan du.
Haren esanetan, "eztabaida hori lasaitasunez egiten utzi behar zaio ETAri, eta erabakia hartzen duenean, publiko egin dezala; ziur naiz erabaki ona hartuko duena".
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.