Altsasuko auzia Nafarroan epaitzeko eskatu dute 46 elkartek eta eragilek
Altsasun iazko urrian izandako liskarrengatik auzipetuta dauden zortzi gazteei babesa adierazteko manifestua izenpetu dute Nafarroako ia 50 kultur eta gizarte elkartek. Iruñean egin duten agerraldian, gazte horiek terrorismo delituagatik epaitzea bidegabea dela esan dute, eta auzia Nafarroako Justizia Auzitegiaren esku uztea exijitu dute. "Eskatzen dugu terrorismo-delitutzat hartzen duen zigor-kalifikazioa baztertzea, prebentziozko espetxeratze-neurriak kentzea eta Iruñeko 3. Instrukzio Epaitegiari eskumena bueltatzea. Gainera, gizarte osoari dei egiten diogu eskubide urratzearen aurka egin dezan eta Zuzenbide Estatu baten kalitate demokratiko eta printzipioen alde lan egin dezan", esan dute.
"Errugabetasun printzipioa" kontuan hartu, eta "proportzionaltasuna" eskatu dute. Altsasuko gazteei berez dagokien "epailea ukatu" egin zaiela esan dute, eta bidezko epaiketa bat izateko "bermerik ez" dutela nabarmendu dute. "Epaile naturala ukatu egin zaie eta, jurista entzutetsuek azpimarratu bezala, auzi bermeak (defentsa-eskubidea, norbanakoaren ardura, interpretazio ez estentsiboa, proportzionaltasuna, bidegabekeria-eza …) zalantzan geratu dira", nabarmendu dute.
Auzipetutako gazteen gurasoek eskertu egin dute eragile guztiek agertutako babesa. "Argi eta ozenki esan nahi dizuegu: zuen indarra gure indarra bihurtzen da, elkarbizitzarako eta gure herriko errealitatea justuagoa izateko erakusten duzuen konpromisoa gure egin nahi dugu", esan dute.
Gurasoek ere euren semeek bizi duten egoera "desproportzionatua" dela eta "benetako zuzenbide estatu" batek bere herritarrak babestu beharko lituzkeela esan dute.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.