Hainbat pertsona hauteslekuetan sartu dira, poliziek ez ixteko
Esquadra Mossoak ostiral arratsalde honetan hasi dira Bartzelonako bozkalekuetara joaten, bertan daudenei erreferendumarekin lotutako jarduerarik egitea debekatuta dagoela jakinarazteko, Europa Press berri-agentziak zabaldu duenez.
Besteak beste, Raval auzoan dagoen Collasso i Gil ikastetxera joan dira eta zuzendaritzarekin hitz egin ostean, honek zentroa itxi egin du klaseak amaitu direnean, 17:00etan.
Une horretatik aurrera, inor eskolan sartzea galarazi dute mossoek, hango irakasle batek eta El Sortidor auzo-elkarteak zehaztu dutenez.
Mossoak ez dira ikastetxean sartu eta barruan ez da inor geratu. Alabaina, patioan, eraikinaren eta kanpoko hesiaren artean, 30 bat lagun geratu dira. Eskolaren kanpoaldean 80 bat lagun bildu dira.
Bestalde, Ravaleko hamarnaka bizilagun Miquel Tarradell institutuan sartu dira, asteburua bertan igaro eta igandean hauteslekuak irekita egongo dela ziurtatzeko.
Escoles Obertes plataformak jakinarazi duenez, ehunka pertsona sartu dira ikastetxe, auzo-etxe eta bozkaleku moduan erabiliko diren beste hainbat zentrotan. Aisialdirako ekintzak eta ekimen kulturalak antolatu dituzte gaurtik eta igandera bitartean, urriaren 1ean bozkalekuak zabalik izango direla bermatzeko.
Honezkero, 60.000 lagunek egin dute bat ekimenarekin eta hauteslekuak ixtea ekiditeko mobilizatzeko deia egin dute.
(Mossoak Graciako L'univers eskolara joan dira, "akta jasotzera". Argazkia: Aritz Agirre / Euskadi Irratia)
Gavako El Calamot Institutuan dozenaka pertsona parte hartzen ari dira antolatutako jardueratan, besteak beste, partxis maratoi batean, igandera arte zentroa zabalik mantentzeko helburuarekin; izan ere, Generalitateak izendatutako hauteslekuetako bat da.
Era berean, Graciako dozenaka bizilagunek txandaka lo egingo dute Siracusa kaleko zaharren egoitzaren aurrean, ixtea eragozteko.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.