Senitartekoek eta lankideek Txema Agirre ertzaina omendu dute
Txema Agirre ertzainaren lankideek eta senitartekoek omenaldia egin diote gaur, Bilbon. ETAk duela 20 urte hil zuen Guggenheimetik hurbil, museoa inauguratu baino egun batzuk lehenago.
"Guztiek Museoa ikusi ahal izateko, herritarrengatik bizitza eman zuen", goraipatu dute ErNE eta ELA sindikatuek. Erakundeak eta Guggenheimeko patronatua omenaldian "gehiago inplikatu ez izana" deitoratu dute sindikatuek.
ErNE eta ELA sindikatuek deitu dute omenaldia, lankidearen "memoria ondratzeko" eta familiari elkartasuna adierazteko. Guggenheim Museoaren zelaigunean egin dute, hain zuzen ere, Txema Agirre plazan. Senideak eta Ertzaintzako kide ugari bertan izan dira.
Parte-hartzaileek lore eskaintza egin dute Txema Agirreren argazki aurrean. Ondoren, Txema Agirrek "ertzain lanbidea laguntzeko, gizartea babesteko eta bidegabekerien aurka borroka egiteko aukeratu" zuela gogorarazi dute sindikatuek. "Tolerantzia eta elkarrizketa bere armarik boteretsuenak" izan zirela erantsi dute.
"Bere uste sendoak defendatzeagatik eta gizartea babesteagatik Txema hil zuten. Bere heriotzak atsekabe handia utzi zigun guztioi, eta batez ere senideei eta lankideei", azpimarratu dute.
(Aurreskua, Txema Agirreren omenaldian. Argazkia: EFE)
Kritikak Urkulluri eta Beltran de Herediari
Bestalde, Covite biktimen elkarteak gogor kritikatu du Iñigo Urkullu lehendakaria eta Juan Maria Aburto Bilboko alkatea Txema Agirreren omenaldian egon ez izana.
Aitzitik, "Etakideei kalean omenaldiak egitea ahalbidetzen dute", salatu du elkarteak.
Coviteren esanetan, Agirrek "heroi baten moduan jokatu zuen", ETAk Guggenheim Museoaren inaugurazioan, Espainiako errege-erreginak han zirela baliatuta, atentatua egitea galarazi zuelako.
"Edozein herrialdetan Txema Agirre heroia izango litzateke eta agintarik omendu egingo lukete, baina hemen, bere hirian, alkatea eta lehendakaria ez dira errespetua adieraztera etorri, hain urteurren seinalatuan", erantsi du.
Era berean, Guggenheim Patronatuko arduradunen "inplikazio falta" ere salatu du, omenaldian izan ez direlako. "Agirrek egindakoa funtsezkoa izan zen museoaren historia odol putzu batekin ez hasteko", gaineratu du.
Bestalde, Ertzaintzako Esan sindikatuak "lotsagarritzat" eta "errespetu faltatzat" jo du Estefania Beltran de Heredia Segurtasun sailburua ekitaldira joan ez izana.
Erne sindikatuak ere kritikatu du Eusko Jaurlaritzako, Bilboko Udaleko, Guggenheim Patronatuko eta alderdi ezberdinetako ordezkariak omenaldian egon ez izana. Politikarien kasuan, Amaya Fernandez Euskadiko Alderdi Popularraren idazkari nagusia soilik izan da.
Zure interesekoa izan daiteke
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.
Donostiako Udaltzaingoa taser pistolak erabiltzen hasiko da 2026an
Udaltzaingoak bost taser pistola izango ditu guztira, bat txanda bakoitzeko, eta bost agente gailu horiek erabiltzeko prestakuntza jasotzen ari dira.