Ortuzar: 'Aurrekontu gabe, luzaro edukiko genuke 155a; onartuta, epe labur batean'
Andoni Ortuzar EAJren EBBko presidenteak atzo jeltzaleek Estatuko Aurrekontu Orokorrak babestu izanaren erabakia defendatu du ostegun honetan. Radio Euskadin egin dioten elkarrizketa batean azaldu duenez, Espainiako aurrekontuak onartzea "ona da Euskadirentzat eta Kataluniarentzat; aurrekontu barik, luzaro edukiko genukeelako 155a, baina orain uste dugu epe labur batean izango dela indarrean".
Ortuzarren aburuz, aurrekontuen kontra bozkatzeak Katalunian 155. artikulua "sine die luzatzea" suposatzen zuen, Rajoyri "negoziatzeko aukerarik gabe" utzita. "Orain, ordea, katalanek aukera gehiago dituzte erabakiak hartzen joateko, eta Espainiako presidentea askeago ibili ahalko da, Ciudadanosen presioa gorabehera".
Albert Riveraren alderdia hizpide, aurrekontuak onartzeak "Ciudadanosen arriskua denbora batez urrundu" duela uste du EAJren buruzagiak.
Kataluniako auzia ahotan, Ortuzarrek azpimarratu du bi aldeek —Katalanek zein Rajoyk— 155a "altxatu" nahi dutela, eta "denbora kontua" dela iritzi dio. Azaldu duenez, azken sei hilabeteotan 155a kentzeko "ahaleginak" egin ditu EAJk, eta "zenbaitetan lortzear" egon direla, baina azkenean "ezerezean" geratu dela dena.
"Orain Kataluniak bere erabakiak hartu behar ditu, eta guk errespetatu behar ditugu, baina eurekiko dugun konpromisoa ahaztu gabe. Guk bestela egingo genukeen", aitortu du.
Kongresuak atzo onartutako aurrekontuak "Euskadirentzat onak" direla azpimarratu du Ortuzarrek, 540 milioiko inbertsioa dakartelako. Pentsiodunek eskaerez galdetuta, "gehiago" eska daitekeela esan du, baina "Toledoko Mahaia" aipatu du hori negoziatzeko eremu gisa.
Autogobernu Lantaldea
Asteazkenean EH Bildurekin lortutako beste akordioaz —Estatutu berriaren hitzaurrea adostu zuten bi alderdiek—, Ortuzarrek esan du atariko horrek ez duela Gernikako Estatutuarekin alderatuta "elementu berririk", "ez da amildegira egindako jauzia", erantsi du.
Ingurumaria horretan, PSE-EEren kritikek zalantza eragin diote Ortuzarri, aitortu duenez. "Orain esaten dutena entzunda, pentsa liteke gaur gaurkoz ez luketela onartuko. Gernikako Estatutuan jasota dauden gauzak ari dira ezbaian jartzen", azaldu du.
EAJren EBBko presidentearen esanetan, "hasierako fasean gaude, atzokoa ez zen negoziatzeko edo amore emateko unea, akordioa bilatzearena baizik".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.