Nafarroako Gobernuaren hizkuntza-politikaren aurka manifestatu dira Iruñean
Nafarroako hainbat elkarte sozialek eta sindikalek, UPNk, PPk eta PSNk babestuta, manifestazioa deitu dute larunbat arratsalde honetarako Iruñean, Nafarroako Gobernuaren hizkuntza-politikaren aurka, "Guztion etorkizunaren alde, berdintasunean" lemapean. Gauzak horrela, milaka lagunek parte hartu dute euskararen "inposizioa" salatzeko manifestazio horretan, antolatzaileen aburuz, 30.000 pertsona inguru (15.000 inguru, Udaltzaingoaren arabera).
Manifestazioa 18:00etan hasi da, Nafarroako Parlamentu parean, Sarasate Pasealekuan, eta Nafarroako Jauregi parean amaitu, Iruñeko erdiguneko kaleak zeharkatu ostean.
Politika arloko parte-hartzaileei dagokienez, Nafarroako UPN eta PPko presidenteak izan dira, Javier Esparza eta Ana Beltran, hurrenez hurren, Carmen Alba Gobernuko ordezkaria Nafarroan, Miguel Sanz Nafarroako presidente ohia eta hainbat parlamentari sozialista.
Parte-hartzaileek Nafarroako bandera erraldoia eraman dute, Espainiako banderak ikusgai ere izan dira, eta hainbat oihu bota dituzte ibilbidean zehar: "Hau ez da Euskal Herria, Nafarroa da", "Aukera-askatasuna, inposiziorik ez". Gainera, Nafarroaren, Espainiaren, Polizia Nazionalaren eta Guardia Zibilaren aldeko oihuak ere izan dira entzungai.
Agiria irakurri dute
Martxaren amaiera, Ricardo Guelbenzu Doble 12 Elkartearen ordezkariak agiria irakurri du. Horren iritziz, "gutxiengo baten onerako, gehiengo bat kaltetzen du" Nafarroako Gobernuak, eta hori "bazterketa da".
"Gaurko manifestazioa ez da Nafarroaren aurkako erasoa, batzuk dioten bezala", esan du, "guztion eskubideak errespetatzen dituen Nafarroaren alde borrokatzen dugu, Barkosen Gobernuak egiten ez duena".
Guelbenzuk azpimarratu duenez, parte-hartzaile guztiak "hemengoak gara, hori dela eta, banderarik gabeko euskara nahi dugu, zatitzailea eta baztertzailea ez dena, eta komunikatzeko bakarrik erabiltzen dena, bestelako hizkuntzak bezala".
Manifestazioak Iruñeko erdiguneko kaleak zeharkatu ditu. Argazkia: EFE
"Euskara gure kulturaren parte da, baina gutxiengo batek hitz egiten du Nafarroan", adierazi du. "Guri euskara interesatzen zaigu, Nafarroako Gobernua, ordea, itsua da, eta bost axola zaizkio gure eskubideak", gaineratu du.
Nafarroako Gobernuak "sustatzea eta inposatzea nahasten ditu, eta euskara erabiltzen du langile publikoen sarreran, maila-igoeran edota leku-aldaketetan mesede egiteko; orain hori enpresa pribatura eraman nahi dute lege berri baten bidez, eta hori lotsagarria da", salatu du.
"Gaur hemen gaude, eta ez dugu hori onartuko", iragarri du Guelbenzuk. Amaitzeko, "dibertsitate ideologikoaren errespetutik elkarbizitzarako" deia egin du.
Euskararen aurkako martxa
Gaurko martxa egin aurretik deialdiaren antolatzaileak azpimarratu dutenez, "ez da euskararen aurkako martxa", baina horrekin bat egin duten Nafarroako Gobernuko oposizioko alderdiek ere.
Zentzu horretan mintzatu da Maria Chivite Nafarroako Alderdi Sozialistaren idazkari nagusiak, ETBri eskainitako adierazpenetan. "Euskara hizkuntza propioa da, baina UPNrekin eta PPrekin ados gaude, eta Nafarroako Gobernuaren hizkuntza-politika inposizio politika da", adierazi du. Bestalde, Ana Beltran Nafarroako PPko presidenteak salatu duenez, "Barkos presidenteak gaztelaniadunak baztertzen ditu".
"Bazterketa" hori Administrazio publikoan bereziki antzematen dela diote oposizioko alderdiek. Jose Javier Esparza UPNren presidentearen esanetan, "ez da bidezkoa euskara jakiteagatik administrazioan lanpostu bat lortzeko aukera gehiago izatea".
"Gaurko manifestazioa ez da Nafarroaren aurkako erasoa, batzuk dioten bezala", esan du, "guztion eskubideak errespetatzen dituen Nafarroaren alde borrokatzen dugu, Barkosen Gobernuak egiten ez duena".
Guelbenzuk azpimarratu duenez, parte-hartzaile guztiak "hemengoak gara, hori dela eta, banderarik gabeko euskara nahio dugu, zatitzailea ez dena, baztertzen ez duena, eta komunikatzeko bakarrik erabiltzen dena, bestelako hizkuntzak bezala".
"Euskara gure kulturaren parte da, baina gutxiengo batek hitz egiten du Nafarroan", adierazi du. "Guri euskara interesatzen zaigu, Nafarroako Gobernua, ordea, itsua da, eta bost axola zaizkio gure eskubideak", gaineratu du.
Nafarroako Gobernuak "sustatzea eta inposatzea nahasten ditu, eta euskara erabiltzen du langile publikoen sarreran, maila-igoeran edota leku-aldaketetan mesede egiteko, eta orain hori enpresa pribatura eraman nahi dute lege berri baten bidez, eta hori lotsagarria da", salatu du.
"Gaur hemen gaude, eta ez dugu hori onartuko", iragarri du Guelbenzuk. Amaitzeko "dibertsitate ideologikoaren errespetutik elkarbizitzarako" deia egin du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.