'Black' txartelen auzian Ratori ezarritako zigorra berretsi du Gorenak
'Black txartelen auzia'n Auzitegi Nazionalak emandako epaia berretsi du Auzitegi Gorenak. Hala, Rodrigo Rato Bankiako presidentea izandakoak lau urte eta erdiko kartzela zigorra bete beharko du. Ratorekin batera, finantza erakundeko beste 63 goi-kargu eta zuzendari ohi zigortu zituen Auzitegi Nazionalak bidegabeko jabetzea eta administrazio desleiala egotzita. Lau hilabete eta lau urte eta erdiko espetxe zigorrak ezarri zituen Auzitegiak.
Epaiak frogatutzat jo du 2003-2012 urteen artean legez kanpokoak ziren txartel haiekin 12,5 milioi euro xahutu zituztela goi-kargudun horiek guztiek.
PPko Ekonomia ministro ere izan zena ez da berehalakoan sartuko espetxera, Gorenak epaia betetzeko agindua eman behar baitu. Hori emanda, NDFren zuzendari izandakoak bost eta hamar egun bitartean izango du kartzelara bere borondatez sartzeko.
"Diruaren jabeak izango bailiran" aritu ziren kondenatuak, nahi izan zuten dirua erabili izan zutelako eurek nahi izandako gastuetarako. Hori dela eta, Gorenak entitatearen ondarea kaltetu zutela uste du.
Ratoren erantzukizunak, esperientzia eta prestakuntza kontuan izanda, txartelen funtzionamendua ezagutu behar zuela uste du Auzitegiak, eta, hala eta guztiz ere, "sistema martxan mantendu eta zabaldu zuen", hasiera batean bere onurako, eta ondoren, Bankiako kolaboratzaile estuenen artean.
Ezarritako zigorraren proportzionaltasunaren harira, Ratori ezarritako kartzela-zigorra egokia dela esan du Gorenak, "bidegabe aberastu" zelako, eta "bere ondokoei aberasten" utzi zielako.
Txartel horiekin gastatutako 12,5 milioi euroetatik, 9,3 milioi 2017an hildako Miguel Blesaren etapari (1996-2010) dagozkio; eta, 2,6 milioi, Rato presidente izan zenean gastatu zituzten.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".