Espainiako aurrekontuek EAJren babesa izango dutela uste du Monterok
Maria Jesus Montero Espainiako Gobernuko Ogasun ministroak "erantzukizunez" jokatzeko deia egin dio larunbat goiz honetan EAJri, Estatuko Aurrekontu Orokorren proiektua aurrera eraman eta 2019 urteko kontuak ahalik eta babes zabalenarekin onartu ahal izateko.
Monteroren iritziz, jeltzaleek haien botoa negoziatu nahi izatea "zentzuzkoa" da. Ondorioz, Ogasun Ministroak arrazoizkotzat jo du "alderdi horrek ordezkatzen dituen herritarrei gehien komeni zaizkien gaiak jasotzen dituen zerrenda negoziketetan kontuan izatea". Dena dela, jeltzaleak "beti akordiorako prest" egon direla nabarmendu du, eta oraingoan ere "elkarrekin aurrera egiteko akordioa" lortuko dutela ziurtatu du.
Espainiako Gobernuko Ogasun ministroaren esanetan, "euskal herritarrentzat ere onuragarriak dira" PSOEk eta Elkarrekin Podemosek adostutako Estatuko Aurrekontu Orokorren proiektuak aurreikusten dituen neurriak. Dena dela, "haien ekarpena" egiteko aukera eman die jeltzaleei, "alderdia indartuta" ateratzeko.
Gauzak horrela, 2019 urteko kontuak "ahalik eta babes zabalenarekin" onartu ahal izateko Sanchezen gobernuak "akordioak lehenbailehen ixteko asmoa" duela esan du Monterok. Bestalde, aurkeztu berri duten aurrekontu orokorren proiektuak Europar Batasunak jarritako baldintza guztiak betetzen dituela ziurtatu du. Izan ere, Elkarrekin Podemosekin negoziatu duten bitartean, Bruselatik ezarritako baldintzak kontuan izan dituztela esan du.
Monterok azaldu duenez, aurrekontuen proiektuak "mezu argia bidaltzen die bizi-maila hobea lortu nahi duten erdiko klaseko herritarrei: medikuei, erizainei, abokatuei, autonomoei, unibertsitateko irakasleei edota merkatariei". Azkenik, datorren astetik aurrera Elkarrekin Podemosekin adostutako gai bakoitzari zenbat diru bideratuko dioten erabakiko dutela jakinarazi du.
Bitartean, Estatuko Aurrekontu Orokorrak negoziatzeko Espainiako Gobernuarekin datozen egunetan biltzea espero du EAJk. Iturri jeltzaleek ETBri ziurtatu diotenez, “legealdia bukatzeko asmoan irmo jarraitzen dute”.
“Aurreko gobernuak hartutako konpromisoak betetzea marra gorriak dira, hala nola Abiadura Handiko Trena eta Tarifa Elektrikoa”, azpimarratu dute iturriek.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.