Currinen taldea Urkullu, Mendia, Etchegaray eta Rodriguezekin bilduko da
Brian Currin, Alberto Spektorowski eta Raymond Kendall Harremanetarako Nazioarteko Taldeko kideak Iñigo Urkullu lehendakariarekin, Idoia Mendia PSE-EEko idazkari nagusiarekin, Jean Rene Etchegaray Euskal Hirigune Elkargoko presidentearekin eta Arkaitz Rodriguez Sortuko idazkari nagusiarekin bilduko dira Euskadin.
Harremanetarako Nazioarteko Taldeko kideek astearte eta asteazken honetan bidaiatuko dute Euskadira, 2011ko otsailaren 14an Taldea osatu zenetik hona egindako lanaren azken azterketa gizarteari, erakundeei zein ordezkari politikoei aurkezteko.
Harremanetarako Nazioarteko Taldeak aurreikusitako bilera eta aurkezpen guztien artean lehena Iñigo Urkullu lehendakariarekin egingo du, asteartean, urriaren 16an, Lehendakaritzan, 16:30etik aurrera.
Egun berean, 18:30ean, Idoia Mendia PSE-EEko idazkari nagusiarekin bilduko dira, Bilbon, sozialisten egoitzan.
Asteazkenean, urriaren 17an, Currin, Spektorowski eta Kendall Baionara joango dira, Jean Rene Etchegaray Euskal Hirigune Elkargoko presidentearekin bilera egiteko, 10:00etan.
Egun horretan, 12:00etan, Arkaitz Rodriguez Sortuko idazkari nagusiarekin bilduko dira, Donostian.
Asteazken arratsaldean, Foro Sozial Iraunkorrak eta Bake Bidea Elkarteak Donostiako Aiete Jauregian antolatutako Konferentzian parte hartuko dute. EAJ, EH Bildu, Elkarrekin Podemos, Geroa Bai, Podemos Nafarroa eta Izquierda-Ezkerra taldeak ere gonbidatu dituzte bertan parte hartzera.
Konferentzian, gainera, ELA, LAB, CCOO, UGT, Steilas, ESK, EHNE, Hiru eta Etxalde sindikatuetako eta Sare, Etxerat, Bake Artisauak, Bagoaz eta LDH taldeetako ordezkariak izango dira.
Konferentzia ateak itxita egingo da, eta, ondoren, ekitaldi publikoa egingo dute Aiete Jauregian; ekitaldi publiko horretan, Eneko Goia Donostiako alkateak, Brian Currin Harremanetarako Taldearen ordezkariak, Bake Bideko Anaiz Funosasek eta Foro Sozial Iraunkorreko Agus Hernanek parte hartuko dute.
Bestalde, Foro Sozial Iraunkorrak eta Bake Bidea Elkarteak Aieteko Bake Konferentziaren VII. urteurrena ospatu nahi dute Konferentzia eta ekitaldi publiko horrekin batera.
Harremanetarako Nazioarteko Taldeak bere lanaren nondik norakoak aurkeztu ostean, EAEko, Nafarroako eta Iparraldeko alderdi politiko eta sindikatu nagusiek ere hitza hartuko dute egindako lanaren balorazioa egiteko.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.