EAEko herritarren % 45,2k Euskadi nazio gisa aitortzea babesten dute
Euskal Autonomia Erkidegoko (EAE) herritarren ia erdiek (% 45,2) Euskadi nazio gisa aitortu dadila babesten dute eta horietatik laurdenak (% 25) autodeterminazio eskubidea aitortzearen alde daude, gaur argitaratu den Euskobarometroaren udazkeneko inkestaren datuen arabera. Gainera, inkestatuen % 74,1ek ez dute interesik edo interes gutxi dute autogobernuaren eztabaidaren inguruan.
Udazkenean, urriaren 15etik azaroaren 9ra, egindako 1.200 galdeketak oinarri hartuta osatu du EHUko Zientzia Politikako Sailak bere azken inkesta, eta gaur prentsaurrekoan azaldu ditu emaitzak Francisco Jose Llera irakasleak.
Gernikako Estatuaren aurrean dauden alternatiben inguruan galdetuta, % 21 dagoen bezala uztearen aldekoak dira, % 33 falta diren transferentziak eskualdatuta gustura leudeke. Itaundutakoen % 25k uste dute estatutua erreformatu eta autogobernua handitu beharko litzatekeela, aitzitik, % 11 independentziaren alde daude.
Autogobernuaren formula alboratuta, herritarren % 28,8k "independentzia nahi handiak" dituzte. Horren aurrean, hamar herritarretatik sei pasatxok (% 61,3) ez dute interesik (% 36,8) edo interes gutxi dute (% 24,5).
Halaber, independentziari buruzko erreferenduma egingo balitz, ezetzak irabaziko luke (botoen % 39, duela dela sei hilabete baino zortzi puntu gutxiago), eta baietzaren aldeko hautua % 32an mantenduko litzateke. Herritarren % 15,6k abstentziorako joko luke; % 13k ez du iritzirik eman nahi izan.
Presoak
Presoen auziaz ere galdetu diete herritarrei. Birgizarteratzeko neurriak sustatzearen aldekoak % 38 dira, duela sei hilabete baino zortzi puntu gutxiago, betiere presoek "damua agertu eta armak uzteko konpromisoa" hartzen badute.
Horien aurrean, % 31,4k uste dute neurri horiek soilik erabil daitezkeela hilketa deliturik ez dituzten presoekin, eta herritarren % 20 ez daude prest barkatzeko, uste baitute denek zigorra osorik bete behar dutela.
Kezka nagusiak
Euskobarometroak zabaldutako datuen arabera, langabezia da oraindik ere herritarren kezka nagusia (% 48), baina kezka horrek hiru puntu egin du behera. Horien atzetik, ezberdintasun sozialak eta ongizatea (% 19) eta egoera politikoa (% 10) aipatu dituzte herritarrek.
Albiste gehiago politika
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.