Ustelkeriaren kontrako bulegoa sortzeko lehen pausoa eman du Legebiltzarrak
EH Bilduk Jardunbide egokien aldeko eta Ustelkeriaren kontrako bulegoa sortzeko egindako proposamena aintzat hartzea onartu du gaur Eusko Legebiltzarrak.
Bulego horren egitekoa honakoa izango da: ustelkeria kasuak ikertzea, dagokion administrazioari edo Fiskaltzari jakinaraztea, eta bere jarduna "oztopatzen" duen oro zigortzea (90.000 euroko zigorrak aurreikusten dira).
Legebiltzarreko alderdi guztiek babestu dute ekimena, PP salbu (zuri bozkatu du). Hori horrela, proposamenak bere bidea jarraituko du Ganberan. Orain lantaldean eztabaidatuko dute eta alderdi bakoitzak bere zuzenketak aurkeztuko ditu.
90.000 eurorainoko zigorrak
EH Bilduk egindako proposamenaren arabera, bulegoak euskal erakunde publiko guztien eta horiekin lan egin duten enpresa eta erakundeen jarduna kontrolatuko du.
Erakunderen batek "laguntzen ez badu edo bulegoaren jarduna oztopatzen badu" zigorra ezar liezaioke bulegoak. 90.000 eurorainokoak aurreikusten dituzte, baita zigor administratibo eta penalak ere.
Nafarroan 2015ean onartutako legearen oso antzekoa da EH Bilduk egindako proposamena, baina oraingo honetan aldaketak egin dituzte jardunbide irregularren preskripzioan eta bulegoaren zuzendaritzaren aginte epean.
Taldeen adierazpenak
Larraitz Ugarte (EH Bildu) legebiltzarkideak adierazi duenez, Euskadi "ez da oasia" Espainiako Estatuan, "Ebrotik behera baino hobeto dagoen arren". Koalizioko kidearen iritzian, "euskal administrazio publikoa ez da gardena eta serioa; inpunitatea erabatekoa da" eta De Miguel auzia aipatu du adibidetzat.
David Latxagaren ustez (EAJ), auziak eztabaida "arduratsu eta sakona" merezi du, baina adierazi du EH Bilduren proposamen batzuk "eztabaidagarriak" direla.
Cristina Macazagak (Elkarrekin Podemos) erabateko babesa eman dio ekimenari. Horren hitzetan, euskal gizarteak badaki Euskadin "ustelkeria eta adiskidekeria arazo larria" direla eta Osakidetzaren OPEa aipatu du.
Jose Antonio Pastorrek (PSE-EE) ekimena tramitatzearen alde agertu da, PSOEk Espainiako Estatuan martxan jarri dituen neurrien ildoan doalako.
Azkenik, Javier Ruiz de Arbulok (PP) defendatu du tankera honetako bulegoak justiziaren alorrean sortu behar direla. "Bulego hau erabat alferrik izan daiteke", erantsi du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.