Nafarroako tokiko maparen erreforma onartu dute, oposizioa kontra agertu arren
Nafarroako Parlamentuak Toki Administrazioa Aldatzeko lege-proiektua onartu du ostegun honetan, oposizioaren kontrako botoa jaso badu ere. Horrek esan nahi du Nafarroa hamabi eskualdetan banatuko dutela eta finantziazio eredu berria izango duela.
UPN, PSN eta PPN aurka agertu diren arren, laukoa osatzen duten alderdien babesarekin nahikoa izan da erreforma aurrera ateratzerako.
Horrela, eskualdeak toki erakunde bihurtuko dira, eta administrazio barrutiak eta administrazio zerbitzuen elkarteak desagertu egingo dira. Gainera, toki erakundeek lanpostuen errolda egiteaz gain, plantilla organikoa onartu eta lan eskaintza publikoa deitu beharko dute.
Proposatutako udalerrien bi bosten aurka azalduko balira eta, gutxienez, lurralde horren hautesle erroldaren erdia ordezkatuz gero, eskualdea eratzeko prozesura bertan behera geratuko litzateke.
Bestalde, finantzazio eredu berria planteatzen du lege-proiektuak.
Horretarako, abendua baino lehen, Gobernuak finantzazio proposamena igorriko dio Parlamentuari. Horri jarraiki, Nafarroako aurrekontuek barne hartzen dituzten diru-laguntzak finantzazio moduluengatik ordezkatuko dituzte, pixkanaka.
Osoko bilkuraren ostean, Unai Hualdek (Geroa Bai) UPN, PSN eta PPNren erabakiaz hitz egin du. "Kosta ahala kosta, aldaketaren legealdian Nafarroaren egitura zentzuzkoagoa eta eraginkorragoa bermatzen duen testu legal bat onartzea saihestu nahi zuten", esan du.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.