Barkos: 'Nafarroa defendatzeko gai ez direla frogatzen du UPN Madrilen egoteak'
Uxue Barkosek, Nafarroako Gobernuaren presidenteak eta Geroa Bairen hautagaiak, argi eta garbi errefusatu du UPN Madrilgo manifestazioan egotea, eta "Nafarroa defendatzeko gai ez direla erakusten" duela esan du.
Esan duenez, "iristen azkena, UPN", "Espainiako batasuna defendatzera" joan da, "Hitzarmen Ekonomikoaren aurka, hobekuntzaren aurka eta Foruen aurka. Nafarroako autogobernuari gerra deklaratzera".
"Onartezina da", esan du Barkosek. Gogor kritikatu ditu erregionalistak, eta Gamazo jauntxoekin alderatu ditu "ez dutelako Nafarroaren alde borrokatu". Madrilen egotea "beraientzat hauteskunde interesak nafarren interesen oso aurretik daudenaren froga da".
Bere Gobernuaren lorpenak gogoratu ditu Barkosek, "politikan lan egiteko beste modu bati esker, zintzotasunez, gaitasunez eta anbizioz" lortutakoak.
Nafarroako presidenteak "oinarrizko eskubide demokratikoak" aipatu ditu, "batzuek zuri-beltzean ikusten dituztenak". Mendekotasuna duten pertsonen zaintza, memoria historikoa, berdintasuna, gardentasuna eta dibertsitatea aipatu ditu.
"Etorkizuna iraganaren txarrenarekin eraiki nahi duenik badago. Hori da proposatzen ari diren bakarra. Liskarra nahi dute. Beldurra sartzen digute, beldurrez, defentsiban eta indarkeriarekin erantzun dezagun. Sentimendu nazional baztertzailea eta uniformea erabiltzen dute. Gezurra eta desinformazioa darabilte", esan du Madrilgo ekitaldiari buruz.
Azken 40 urteetan gobernatu dutenak ere kritikatu ditu "Nafarroako aberastasunarekin bukatu dutelako", eta "ez dutelako garai txarretarako prestatu". Hori, Gobernuan aldaketa izateko gakoa izan zen Barkosentzat.
Itziar Gomez, Iruñeko alkategaia
Ekitaldian Itziar Gomez Iruñeko alkategaiak ere hitz egin du. Zinegotziak "beti benetako aldaketaren zerbitzuan" izan direla esan du, "anbizio handiz eta umiltasunez", eta hori politika egiteko "modu eraginkorra" izan dela "frogatuta" geratu dela.
Zentzu horretan, "berdintasun gero eta handiagoa izango duen hiri baten alde egitea" defendatu du, eta mugikortasuna hurrengo erronka nagusien artean kokatu du, "elkarbizitzarekin lotuta" dagoen segurtasunarekin batera.
"Iruñea pertsonentzat pentsatutako hiri europarra" izatea da helburua. Oposizioak, aldiz, "atzera buelta" gorpuzten du, "denbora honetan egindako guztia desegiteko baino ez dutelako irabazi nahi".
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.