Macronek 'eredugarritzat' jo du Euskal Herriko bake eta adiskidetze prozesua
Emmanuel Macron Biarritzeko alkatearekin bildu da gaur arratsaldean, abuztuan G7ak hiri horretan egingo duen goi-bilera prestatzeko, eta Josu Urrutikoetxearen atxiloketaz eta Euskal Herriko bake prozesuaz mintzatu da bertan.
Frantziako Gobernuaren iritzian, azken urteetan Euskal Herrian gertatu dena "eredugarria da gatazkak konpontzeko eta armagabetze prozesuetarako".
ETAren desegitea "oso elementu garrantzitsua" izan dela, eta erabaki hori Euskal Herriko "politikari askok" bakea eta adiskidetzea lortzeko agertu zuten inplikazioari esker iritsi zela esan du. "Estatu baten betebeharra da mugimendu hori babestea", erantsi du.
Frantzian dauden euskal presoen egoerari buruz galdetuta, Nicole Belloubet Justizia ministroak azken urtean egindako lana babestu du eta bide horretatik jarraituko dutela agindu du: euskal presoak Euskal Herriko espetxeetara banaka hurbiltzen.
Hurbilketa horiek guztiak "legearen baitan eta ebazpen judizialak errespetatua" egiten direla eta, ondorioz, Gobernuak ezer esateko ez duela gaineratu du.
Presoen auziari lotuta azken hilabeteetan "asko" egin dela eta aurrerantzean bide beretik jarraituko dutela ziurtatu du. "Gobernuak baketze eta adiskidetze prozesuan lagundu nahi du eta, beraz, bide beretik jarraituko dugu lanean", adierazi du.
Josu Urrutikoetxeak ETAren amaieran izan zuen paperak kontutan hartuta, Frantziak bere jarrera aldatu beharko lukeen galdetuta, Macronek esan du ETAko buruzagi historikoak “delitu larriak” egin zituela eta horregatik ezarri ziotela kartzela-zigorra.
Zure interesekoa izan daiteke
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.